Астана. 10 қырқүйек. ҚазТАГ – ҚР ауыл шаруашылық министрлігінің (АШМ) нақтыланған мәліметтеріне сәйкес, Павлодар облысындағы өрт оқиғаларында қаза болғандардың саны 7 адамды құрап отыр, деп мәлім етті АШМ орман және аңшылық шаруашылығы комитетінің төрағасы Ерлан Нысанбаев.

«Бүгін таңертең күйік жараларын алған Нұрбаевтар отбасының анасы ауруханада қаза болғаны хабарланды», - деді Е. Нысанбаев жұма күні баспасөз мәслихатында.

Сондай-ақ, ол өткен бейсенбіде Нұрбаевтардың әкесінің жанып кеткен денесі табылғанын айтты.

«Осымен, қаза болғандардың саны қазір 7 адамды құрап отыр»,-деді комитет төрағасы.

Еске сала кетейік, өрт кезінде 4 адамнан тұратын отбасы зардап шекті. Нұрбаевтар өрт орнынан автокөлікке мініп, кетуге әрекеттенген, әкесі мен екі ұлы алған күйік жараларынан көз жұмды. Балалардың анасы ауыр жағдайда болған.

Бұрын хабарланғандай, Павлодар облысында тыйылмай отырған орман өрттерінде қаза болғандардың арасында «Ертіс орманы» мемлекеттік табиғи резерватының Бесқарағай филиалының қызметкерлері, оның біреуі Бесқарағай филиалының директоры Ержан Байкетаев, екіншісі тракторшы Н. Самусь және мемлекеттік инспектор Е. Молғаждаров.

Сондай-ақ, Бесқарағай филиалының Көкжал орман шаруашылығындағы өртті сөндіру кезінде 46 және 59 жастағы екі өрт сөндіруші қаза болды.

ТЖМ басшысы Владимир Божко мәлімдегендей, Шалдай қарағай орманындағы өртті сөндіру кезінде қаза болған орманшылар марапатталады. Олардың отбасыларына материалдық көмек көрсетіледі.