Бүгін Ресейдің Сант-Петербор қаласында Алаш көсемі Әлихан Бөкейханға ескерткіш ашылады. Бұл туралы Мәжілістің баспасөз қызметі хабарлады.

Аталған шараға ҚР Парламенті Мәжілісінің төрағасы Нұрлан Нығматулин қатысады деп жоспарланған.

Мәжіліс Төрағасы Нұрлан Зайроллаұлы Санкт-Петерборда көрнекті қоғам және мемлекет қайраткері,  Алашорда автономиялы үкіметінің төрағасы Әлихан Бөкейханұлының ескерткіш мүсінінің ашылуына қатысады.  

Салтанатты шара Таврический сарайында ТМД ПАА штаб-пәтерінде өтеді. Осында 24-25 қарашада ТМД ПАА және ҰҚШҰ ПА шаралары өтеді деп жоспарланған.  

Палата Төрағасы Нұрлан Нығматулин бастаған мәжілісмендер сондай-ақ, ТМД ПАА 45-ші пленарлық отырысына қатысады. Онда әлеуметтік үлгідегі заңдар топтамасы талқыға түспек. Сондай-ақ, қауіпсіздік, соның ішінде, экстремизм мен терроризм  мәселелері де назардан тыс қалмайды.   

Сапар аясында Нұрлан Нығматулиннің ҰҚШҰ ПА жиынында сөз сөйлеуі және Әзербайжан, Қырғызстан, Ресейден келген әріптестерімен екіжақты кездесулер жоспарланған.  

Abai.kz