Көк шайдың адам денсаулығына пайдасы зоры бұрыннан белгілі.  Ғалымдар көшпенділердің сүйікті сусынында қарапайым халық дұрыс біле бермейтін пайдалы жағы өте көп. Мысалыға, көк шайды онкологиялық аурудың алдын алатын ем шөп деп айтса да болады екен.

Вашингтон ғылыми зерттеу институты көк шайдың пайдасын зерттеуді қолға алды. Шайдың құрамында рак талшықтарын өлтіретін  антиоксиданттар бар екен. Шай жапырағында табиғи түрде кездесетін эпигаллюкатехин галлат онкологиялық ауруды емдеуде таптырмас дауа екен. Бұдан бөлек көк шай ми клеткаларының жұмысын жақсартады. Көк шай сусынын көп тұтыну арқылы Альцгемер ауруын емдеп жазуға қаухарлы екен.

Сондай-ақ америкалық ғалымдарды Ұлы жібек жолының бойындағы халықтардың көк шайды демдеу әдісі таң қалдырған. Ғалымдар көк шайды қымыз бен шұбат тұтынғаннан кейін ішу оның құрамындағы  емдік, адам ағзасына пайдалы заттарды арттыра түседі деген сенімде.

Нұрсұлу Найманова

Abai.kz