Қазақ футболшылары мінген ұшақ апатты жағдайда Ереванға қонды
Қазақстан футбол құрамасының ұшағы қайта оралып Ереван әуежайына қонды, деп хабарлады қазақстандық команданың медиаофицері, блогер Ербол Қайыров.
"Қазақстан құрамасының ұшағы қайта айналып келіп, Ереванға қонуға мәжбүр болды. Себеп - шассидің дұрыс істемеуі. Ұшақ командирі әуежайға қайта оралуға шешім қабылдады. Чартерлі ұшақты ауыстырған соң, олар Қазақстанға қайтып оралады", - деп жазды Қайыров өзіннің Twitter’дегі шағын блогында.
Қазақстан футбол федерациясының баспасөз қызметі бұл ақпаратты растады, бірақ оқиғаның басқа да тұстары туралы мәлімет бермеді.
Қазақстан құрамасы 2018 жылғы әлем біріншілігінің іріктеу сынында жексенбі күні Армения құрамасынан 0:2 есебімен ұтылып қалды.
Abai.kz
