Тергеу комитетінің мәлімдеуінше, терактіні орындаған 22 жастағы Қырғызстан тумасы Акбаржон Джалилов деген азамат. Оның Ресей азаматтығы болған. Тергеу мәліметінше, залалсыздандырып үлгерген екінші бомбаны да сол қойған. Джалилов бақылау камерасындағы жазбаларды қарағаннан кейін және генетикалық сараптамадан кейін күдікке ілінген. Тергеу ісі оның "Ислам мемлекеті" террористік ұйымына қатысы болуы мүмкіндігін тескеріп жатыр.

"Россия 24" арнасының хабарлауынша, сәрсенбі күні Петербургке Ош қаласынан жиһадшы делінген күдіктінің ата-анасы ұшып келген. Оларды сұрауға алады және күдіктіні тану ісіне қатысады.

"Коммерсанттың" мәліметінше, тергеушілер террорист екі жарылғыш затпен қалайша метроға кіріп кеткенін анықтап жатыр. Осыған қатысты метроның қауіпсіздік қызметкерлері салғырттықтары үшін жауапқа тартылуы мүмкін.

3 сәуірде Петербург метросының вагонында теракт болып, 14 адам қаза тапты, 50-ге тарта адам жараланды.

Абай-ақпарат