Киев қаласы прокуратурасының баспасөз хатшысы Надя Максимецтің хабарлауынша, апелляциялық сот Абдуллаевты қамауда ұстауға негіз бар деп шешті. Ол сот залынан тергеу абақтысына жіберілді.

Бұған дейін Абдуллаев сот шешімімен үй қамауына көшірілген еді. Ол Киевтегі ауқаттылар мекендеген "Козин" ауданында тұрады.

33 жастағы Акбарәлі Абдуллаев Өзбекстанда қаражат жымқырды, қылмыстық жолмен келген шетел валютасын жасырды деп айыпталды. Ол 2013 жылы Ислам Кәрімовтің жеке бұйрығымен ұсталған, ал 2014 жылы 15 жылға сотталды, бірақ кейін жаза мерзімі 6,5 жылға дейін қысқартылды. Кәрімов қазасынан соң шартты түрде бостандыққа шыққан Абдуллаев 2016 жылдың 2 қаңтарында елден қашып кетті.

Оны биыл 14 қаңтарда Киевтің "Жуляны" халықаралық әуежайында ұстады. Абдуллаевтың Өзбекстан және Доминикан Республикасының төлқұжаттары болған.

Абай-ақпарат