سەنبى, 5 ءساۋىر 2025
4156 0 پىكىر 12 مامىر, 2017 ساعات 10:43

كارىموۆتىڭ تۋىسىن كيەۆتەگى اباقتىعا قايتا وتىرعىزدى

كيەۆ قالاسىنىڭ اپەللياتسيالىق سوتى وزبەكستاننىڭ بۇرىنعى ءبىرىنشى حانىمى تاتيانا كارىموۆانىڭ تۋعان جيەنى اكبارالى ابدۋللاەۆتى تەرگەۋ اباقتىسىنا قايتارۋ تۋرالى پروكۋراتۋرا ءوتىنىشىن قاناعاتتاندىردى.

كيەۆ قالاسى پروكۋراتۋراسىنىڭ ءباسپاسوز حاتشىسى ناديا ماكسيمەتستىڭ حابارلاۋىنشا، اپەللياتسيالىق سوت ابدۋللاەۆتى قاماۋدا ۇستاۋعا نەگىز بار دەپ شەشتى. ول سوت زالىنان تەرگەۋ اباقتىسىنا جىبەرىلدى.

بۇعان دەيىن ابدۋللاەۆ سوت شەشىمىمەن ءۇي قاماۋىنا كوشىرىلگەن ەدى. ول كيەۆتەگى اۋقاتتىلار مەكەندەگەن "كوزين" اۋدانىندا تۇرادى.

33 جاستاعى اكبارالى ابدۋللاەۆ وزبەكستاندا قاراجات جىمقىردى، قىلمىستىق جولمەن كەلگەن شەتەل ۆاليۋتاسىن جاسىردى دەپ ايىپتالدى. ول 2013 جىلى يسلام كارىموۆتىڭ جەكە بۇيرىعىمەن ۇستالعان، ال 2014 جىلى 15 جىلعا سوتتالدى، بىراق كەيىن جازا مەرزىمى 6,5 جىلعا دەيىن قىسقارتىلدى. كارىموۆ قازاسىنان سوڭ شارتتى تۇردە بوستاندىققا شىققان ابدۋللاەۆ 2016 جىلدىڭ 2 قاڭتارىندا ەلدەن قاشىپ كەتتى.

ونى بيىل 14 قاڭتاردا كيەۆتىڭ "جۋليانى" حالىقارالىق اۋەجايىندا ۇستادى. ابدۋللاەۆتىڭ وزبەكستان جانە دومينيكان رەسپۋبليكاسىنىڭ تولقۇجاتتارى بولعان.

اباي-اقپارات

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1496
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4217
46 - ءسوز

بىزگە بەيمالىم باراق حان

جامبىل ارتىقباەۆ 3111