Мирзияев түркімен халқын Түркіменстан Конституциясы күнімен және әйгілі ақын Махтумкулидің туған күнімен құттықтады. Ақынның туған күні Өзбекстанда да кеңінен атап өтілді. Оның құрметіне көше аттары беріліп, ескерткіштер ашылды. Махтумкули көшесінде Ашхабад бағы тұрғызылады, деді өзбек президенті.

Келіссөздер нәтижесі бойынша, екі елдің мұнай-газ, энергетика, ғылым және білім, экология, көлік логистикасы, туризм және спорт салаларын қамтитын құжаттарға қол қойылды.

Журналистермен кездескен Мирзияев пен Бердымұхамедов кездесу достық көңілмен өткенін, ал қабылданған шешімдер өзбек-түркімен әріптестігін жаңа деңгейге көтеретінін мәлімдеді.

Абай-ақпарат