Өзбек президенті Қазақстандағы автобус өртінің себебін анықтауды тапсырды
Өзбекстан төтенше жағдайлар министрлігі баспасөз қызметінің хабарлауынша, президент Шавкат Мирзияевтың тапсырмасымен арнайы комиссия құрылған. Комиссияны ел премьер-министрі Абдулла Арипов басқарады. Комиссияға Қазақстан өкілдерімен бірлесіп, өзбек азаматтарының өліміне әкелген автобустағы өрттің себебін жіті тексеру.
Өзбек сыртқы істер министрлігінің хабарлауынша, елдің төтенше жағдайлар министрлігі мен денсаулық сақтау министрлігі өкілдері арнайы бортпен Қазақстанға ұшуға дайындалып жатыр.
Қазақстандағы Өзбекстан елшілігі Ырғыз ауданына жедел жәрдем жіберген.
18 қаңтар күні сағат 10:30-да Ақтөбе облысының Ырғыз ауданы Қалыбай ауылынан 10 километр қашықтықта Шымкент – Самара жолында жолаушылар автобусы өртеніп, 52 адам қаза тапқан. Автобуста барлығы 57 адам – 55 жолаушы мен екі жүргізуші болғаны хабарланған. Үш жолаушы мен екі жүргізуші аман қалған.
Abai.kz
