وزبەك پرەزيدەنتى قازاقستانداعى اۆتوبۋس ءورتىنىڭ سەبەبىن انىقتاۋدى تاپسىردى
وزبەكستان توتەنشە جاعدايلار مينيسترلىگى ءباسپاسوز قىزمەتىنىڭ حابارلاۋىنشا، پرەزيدەنت شاۆكات ميرزياەۆتىڭ تاپسىرماسىمەن ارنايى كوميسسيا قۇرىلعان. كوميسسيانى ەل پرەمەر-ءمينيسترى ابدۋللا اريپوۆ باسقارادى. كوميسسياعا قازاقستان وكىلدەرىمەن بىرلەسىپ، وزبەك ازاماتتارىنىڭ ولىمىنە اكەلگەن اۆتوبۋستاعى ءورتتىڭ سەبەبىن ءجىتى تەكسەرۋ.
وزبەك سىرتقى ىستەر مينيسترلىگىنىڭ حابارلاۋىنشا، ەلدىڭ توتەنشە جاعدايلار مينيسترلىگى مەن دەنساۋلىق ساقتاۋ مينيسترلىگى وكىلدەرى ارنايى بورتپەن قازاقستانعا ۇشۋعا دايىندالىپ جاتىر.
قازاقستانداعى وزبەكستان ەلشىلىگى ىرعىز اۋدانىنا جەدەل جاردەم جىبەرگەن.
18 قاڭتار كۇنى ساعات 10:30-دا اقتوبە وبلىسىنىڭ ىرعىز اۋدانى قالىباي اۋىلىنان 10 كيلومەتر قاشىقتىقتا شىمكەنت – سامارا جولىندا جولاۋشىلار اۆتوبۋسى ورتەنىپ، 52 ادام قازا تاپقان. اۆتوبۋستا بارلىعى 57 ادام – 55 جولاۋشى مەن ەكى جۇرگىزۋشى بولعانى حابارلانعان. ءۇش جولاۋشى مەن ەكى جۇرگىزۋشى امان قالعان.
Abai.kz
