Қырғызстан: Чычкан өзеніне құлаған бензовоздан балықтар қырылды
Қырғызстанның Токтогул ауданында бензовоз жол апатына ұшырап, ондағы жанармай Чычкан өзеніне құйылған. Соның салдарынан балықтар қырылды. Бұл туралы аудан әкімі Майорбек Стамкулов хабарлады.
Шаруашылық өсіріп отырған бірнеше тонна балық қырылып қалды. Мамандар шығынды есептеп жатыр. Кейбір мәліметтерге қарағанда, жеті тонна балық қырылған.
21 қаңтарға қараған түнде Бішкек-Ош трассасында бірнеше тонналық жүк көлігі өзенге құлап түскен. Жол апатынан бір адам қаза тапты, екі адам жараланды. Төтенше жағдайлар министрлігінің мәліметіне қарағанда, жүк көлігінің цистернасында 38 тонна жанармай болған. Соның қаншауы өзенге құйылғаны белгісіз. Автокөлік әлі су астында жатыр.
Abai.kz
