Кешке қарай доллар бағамы 12 манатқа жеткен. Азатлык радиосының Ашхабадтағы дереккөзінің мәліметіне қарағанда, "қара базарда" шетел валютасы 17 қаңтардан бастап өсе бастаған.

"Валюта аса қажет болғандарға 12 манаттан доллар сатқан. Бұны валюта сатушылар да, сатып алушылар да айтып отыр. "Қара базарда" бұған дейін доллар мұндай қымбатқа сатылған емес", - деді Азатлыкқа Ашхабаттағы шолушы Аманмырат Бугаев.

Бұған дейін валюта рекорды жаңажылдық мереке қарсаңында тіркелген. Сол кезде шетел валютасын 9.8-10 манаттан сатып, 10.2-10.4 манатқа сатып алған.

Түркіменстанда валютаны қолма-қол айырбастауға 2016 жылдың басында ресми түрде тыйым салынған. Түркіменстан Орталық банкі доллар құнын 3.5 манат деп 2015 жылдың басында белгілеген, бұл бағам әлі күнге дейін өзгерген жоқ.

Түркіменстанда шетел валютасын халық негізінен заңсыз айырбас пунктерінен алып жүр.

Abai.kz