Елбасы Н.Назарбаевтың “Қазақстандықтардың әл-ауқатының өсуі: табыс пен тұрмыс сапасын арттыру” атты Қазақстан Халқына арнаған Жолдауында қазақстан тұрғындарының өмір сүру сапасын арттыруға  ерекше мән беретіндігін айтты. Сондай-ақ, халықты жұмыспен қамту мәселесін де оңтайлы шешу қажеттігін атап көрсетті.

Осыған орай Түркістан облысында 30 адамды тұрақты жұмыспен қамтитын асфальт-бетон зауыты іске қосылды.

Кәсіпорын грециялық «Soldatos» ЖШС-гі мен «Түркістан» ӘКК» АҚ-ның филиалы - «TURKISTAN INVEST» инвестициялық компаниясының бірлесіп атқарған жұмыстары нәтижесінде ашылып отыр.

«TURKISTAN INVEST» инвестициялық компаниясы баспасөз қызметінің мәліметінше, жобаны жүзеге асыру мақсатында тартылған инвестицияның жалпы құны 300 млн теңгені құрайды.  Зауыт Мақтарал ауданындағы индустриалдық аймақтың 3 гектар жер аумағында салынған. Жобаның жоспарланған жылдық қуаттылығы - 20 мың тоннаны құрайды. Өндіріс басына 30 адам тұрақты жұмысқа тартылып отыр.

Алдағы уақытта дайын өнім Қазақстан бойынша сатылады деп жоспарланған.

Abai.kz