2050 жылы халқы 100 миллионнан асатын не оған жақындайтын мемлекеттер

(Болжам)

млн. адам

Соңғы жылдары еліміздің шенеуніктері мен демографтары 2030 жылға дейін еліміздің халқы 20 миллион адамға дейін жетуі қажет деген әңгімені айтып жүр. Әрине, «жақсы сөз - жарым ырыс». Алайда шын мәнінде осындай көрсеткішке жете аламыз ба? Тұл туралы шетелдік сарапшылар не дейді екен?

Жалпы алғанда, The Economist журналының мәліметіне сенетін болсақ, 2050 жылы әлемдегі халық саны жөнінен ең ірі елге Үндістан айналатын көрінеді. Бүгінгі әлемдік біріншілікті бастап келе жатқан Қытай екінші орынға ығысады екен. Сөйтіп қырық жылдан кейін Үндістанның халқы 1,614 млн. адамға жетсе, алпауыт Қытайдың халқы  - 1,417 млн. адамға жетіп шектеледі.

2050 жылы халық саны жағынан үшінші орынға Америка Құрама Штаттары шығады. Негізінен Латын Америкасы мен Азия-Африка этностарының өсімі арқасында бұл елдің тұрғындарының саны 404 миллион адамға жетеді-мыс. Есесіне алдағы жылдары Ресей халқының саны жылдан жылға кеми береді деп отыр сарапшылар. 2050 жылы Ресей тұрғындарының саны бүгінгі 142 миллион адамнан 116 миллионға дейін кемиді екен.

Ал ТМД елдеріне келетін болсақ, алдағы қырық жылда бұл мемлекеттерді әлемдегі демографиялық үдерістер айналып өтпейтін көрінеді. БҰҰ мамандарының есептеріне сенсек, ТМД-ға кіретін елдердің тұрғындары алдағы жылдары кемитін болады. Негізгі өсім тек Орта Азия аймағындағы мемлекеттерде байқалатын болады дейді сарапшылар.

Осы сарапшылардың деректеріне сүйенетін болсақ, 2050 жылы Қазақстанның халқы шамамен 18 миллион адамға жақындайды. Негізгі өсімді Өзбекстан беретін болады. Бұл елдің халқы 40 жылдан кейін 36 миллион адамнан асады деп болжайды әлемдік демографтар.

2025 және 2050 жылдардағы халық саны

«Абай-ақпарат»

Мобильді қосымшаны жүктеп алыңыз!