Путиннің көмекшісі Юрий Ушаковтың сөзінше, кездесу бір жарым сағатқа созылған. Путин мен Помпео Сирия, Ливия, Венесуэла, Солтүстік Кореядағы жағдай мен Ресей және АҚШ арасындағы зымыран жөніндегі келісімдерді талқылаған.

Кездесу барысында Украина мен адам құқықтары сөз болмаған. Ушаковтың айтуынша, кездесу айтарлықтай нәтиже бермеген, бірақ Вашингтонның "іске бейімделуі" байқалады.

Кездесуге Ресей сыртқы істер министрі Сергей Лавров пен сыртқы барлау қызметінің директоры Сергей Нарышкин де қатысқан.

Кездесу қорытындысы бойынша америкалық тарап әлі түсініктеме бермеді.

Путин мемлекеттік хатшыға "Ресей АҚШ-пен қарым-қатынасты қалпына келтіргісі келеді" деген. Путиннің пікірінше, қазір бұған қажетті жағдай жасалынып жатыр. Ресей президенті сонымен бірге арнайы прокурор Роберт Мюллердің АҚШ-тағы президент сайлауына Ресейдің араласуы жөніндегі тергеу қорытындысын "обьективті" деп атаған.

Abai.kz