29 тамызда Шавкат Мирзияев Ферғана және Әндіжан облысы әкімдері Шухрат Ганиев пен Шухрат Абдурахмановты «Меҳнат шуҳрати» («Еңбек даңқы») орденімен марапаттады.

Осының алдында екі шенеунік те мемлекет басшысы тарапынан қатты сынға қалған. 2 тамызда өткен жиналыста президент Ферғана облысының әкімі Шухрат Ганиевті сатқын деп атап, "онымен үлкен шаруа атқару мүмкін емес" деген. Ферғана облысындағы Риштан ауданында үйлер сүріліп, халық көтерілген болатын.

Ал 5 шілдеде үкімет отырысы кезінде президент Әндіжан облысының әкімі Шухрат Абдурахмановты облыстың денсаулық сақтау басқарма басшысын балағаттағаны үшін сынға алған.

Abai.kz