Билік басындағылар ел алдына орындалмайтын мақсаттар қойып, жұртқа өтірік уәде беріп, басын қатыруды қашан қояр екен. Таяуда ғана Үкімет басшысы Асқар Мамин рейтинг бойынша 2025 жылға таман Қазақстанның әлемдегі ең дамыған Финляндия мемлекетін қуып жетуі тиіс екенін қуана жариялады. Әрине, көңілге қуаныш ұялататын жақсы уәде. Бірақ, осы мақсаттың орындалуы қаншалықты мүмкін екеніне байланысты деректерге жүгініп, ойланып көрейікші.

Финляндиядағы адам басына шаққандағы Жалпы Ішкі өнімі жылына 40 000 еуроны құрап, біздегі көрсеткіштен 4 есе асып түседі. Ең төмен мөлшердегі айлық - 2 500 еуро. Яғни, бұл дегеніңіз ол елдің ең аз жалақы табатын азаматтары бізден 25 есе көп ақша алады деген сөз. Халық саны жағынан бізден үш есе аз.Шамамен Финляндияда 6 миллионға жуық азамат тұрады. Соған қарамастан, ол елден шыққан 4 Нобель сыйлығының лауреаты бар.

Солардың бірі Франс Эмилл Силланпяя 1939 жылы бұл әлемге әйгілі марапатты әдебиет саласынан еншіледі.

Амангелді Кеңшілікұлының facebook парақшасынан

Abai.kz