2016 جىلى اقش پرەزيدەنتىن سايلاۋدا دونالد ترامپتان ۇتىلىپ قالىپ، رەسەيدى سايلاۋعا كيلىكتى دەپ ايىپتاعان كلينتون 12 قاراشادا بريتان حالقى پارلامەنت ەسەبىمەن تانىسۋى ءتيىس دەپ مالىمدەدى. ۇلىبريتانيادا 12 جەلتوقساندا وتەتىن جالپىۇلتتىق سايلاۋعا بارماس بۇرىن، سايلاۋشى بۇل مالىمەتتى ءبىلۋى ءتيىس دەپ ەسەپتەيدى كلينتون.
"ۇكىمەتتىڭ بۇل ەسەپتى جاريالامايتىنىنا تاڭقالدىم، ويتكەنى بۇل ەلدەگى ءاربىر سايلاۋشى داۋىس بەرەردەن بۇرىن ونىمەن تانىسۋى ءتيىس. رەسەي باتىس دەموكراتياسىندا وزىنە ءتيىمدى ساياسات قالىپتاستىرۋعا تىرىساتىنىنا كۇمان جوق" دەدى ول.
پارلامەنتتىڭ بارلاۋ جانە قاۋىپسىزدىك جونىندەگى كوميتەتى دايىنداعان باياندامانى ارنايى قىزمەت تەكسەرگەن، دەگەنمەن پرەمەر-مينيستر بوريس دجونسون كەڭسەسى ونى جاريالاۋعا رۇقسات بەرمەي وتىر. بريتان ۇكىمەتى ەسەپتى جاريالاماس بۇرىن، ونىڭ ۇلتتىق قاۋىپسىزدىككە تيگىزەر سالدارىن زەرتتەپ الۋ كەرەك دەپ ەسەپتەيدى.
پارلامەنت كوميتەتى رەسەيدىڭ لوندونعا قارسى باعىتتالعان بەلسەندىلىگى، سونىڭ ىشىندە 2016 جىلى ەۋرووداقتان شىعۋعا قاتىستى رەفەرەندۋمعا ارالاسۋى مۇمكىن ەكەندىگى تۋرالى مالىمدەمەلەردى تەكسەرگەن.
Abai.kz
