مارمارا ۋنيۆەرسيتەتىنەن ارىپتەسىم وقان يەشىلوتپەن تىزە قوسا وتىرىپ، جازعان بۇل كىتابىمىز ىستامبۇل ساۋدا پالاتاسىنىڭ جاريالانىمدارى اراسىندا جارىق كوردى. ارىپتەسىممەن بىرگە بۇل كىتاپقا ءبىر جىلدان استام ۋاقىت ەڭبەك ەتتىك. كوپ ۋاقىت ەڭبەك ەتكەننەن كەيىن جازعانىڭ الدىڭا كىتاپ بولىپ كەلىپ تۇرسا، بۇكىل شارشاعانىڭ جوعالادى ەكەن. 304 بەتتەن تۇراتىن كىتاپ تۇرىك ىسكەرلەرىنە ارنالعاندىقتان ەكونوميكا باسىم بولدى جانە ستاتيستيكالىق مالىمەتتەر كوپتەپ ورىن الدى. تۇركيا مەن قازاقستان اراسىندا بارعان سايىن دامىعان شارۋاشىلىق بايلانىستاردى ەسكە العاندا، بۇل كىتاپ تۇرىك ىسكەرلەرىنە پايدالى بولادى دەگەن ۇمىتتەمىز. ەڭبەكتىڭ جارىق كورۋىنە دەمەۋشى بولعان ىستامبۇل ساۋدا پالاتاسىنا راھمەتىمىزدى ايتامىز.

مارمارا ۋنيۆەرسيتەتىنەن ارىپتەسىم وقان يەشىلوتپەن تىزە قوسا وتىرىپ، جازعان بۇل كىتابىمىز ىستامبۇل ساۋدا پالاتاسىنىڭ جاريالانىمدارى اراسىندا جارىق كوردى. ارىپتەسىممەن بىرگە بۇل كىتاپقا ءبىر جىلدان استام ۋاقىت ەڭبەك ەتتىك. كوپ ۋاقىت ەڭبەك ەتكەننەن كەيىن جازعانىڭ الدىڭا كىتاپ بولىپ كەلىپ تۇرسا، بۇكىل شارشاعانىڭ جوعالادى ەكەن. 304 بەتتەن تۇراتىن كىتاپ تۇرىك ىسكەرلەرىنە ارنالعاندىقتان ەكونوميكا باسىم بولدى جانە ستاتيستيكالىق مالىمەتتەر كوپتەپ ورىن الدى. تۇركيا مەن قازاقستان اراسىندا بارعان سايىن دامىعان شارۋاشىلىق بايلانىستاردى ەسكە العاندا، بۇل كىتاپ تۇرىك ىسكەرلەرىنە پايدالى بولادى دەگەن ۇمىتتەمىز. ەڭبەكتىڭ جارىق كورۋىنە دەمەۋشى بولعان ىستامبۇل ساۋدا پالاتاسىنا راھمەتىمىزدى ايتامىز.

كىتاپتىڭ العى سوزىندە بىلاي دەلىنۋدە: "قازاقستان 1991 جىلى 16 جەلتوقساندا كەڭەس وداعىنان تاۋەلسىزدىگىن جاريالاعان ۋاقىتتا كوپتەگەن ادام بۇل ەلدىڭ بولاشاعىنا كۇدىكپەن قاراعان ەدى. ويتكەنى ەڭ باستىسى - ەلدىڭ دەموگرافيالىق قۇرامى ءبىر كەلكى ەمەس ەدى. مەملەكەتتىڭ نەگىزىن قالاۋشى قازاقتار 140-تان استام ۇلتتىڭ وكىلدەرى ءومىر سۇرگەن ەلدىڭ جالپى حالىق سانىنىڭ جارىمىنا دا جەتپەيتىن. بۇل جاعداي قازاقستاندا ەتنيكالىق قاقتىعىستاردىڭ بەلەڭ الۋى جونىندە الاڭداۋشىلىق تۋعىزۋدا ەدى. سونىمەن قاتار، كەڭەس وداعىنان مۇراعا قالعان ەل ەكونوميكاسىندا ءوندىرىس ورىندارى جوقتىڭ قاسى ەدى. ەلدىڭ مەملەكەتتىك بيۋدجەتى مەن ۆاليۋتا قورى سىندى قارجىلىق قۇرىلىمدارى دا تاۋەلسىز ءبىر مەملەكەتتىڭ بۇكىل قاجەتتىلىكتەرىن قامتاماسىز ەتەتىن دارەجەدە ەمەس ەدى. مىنە، وسىنداي جاعدايلار، جاڭا تاۋەلسىز مەملەكەتتىڭ بولاشاعى قالاي بولار ەكەن دەگەن سۇراققا تۇرتكى بولىپ وتىردى.

بىراق ارادا 20 جىل ۋاقىت وتكەننەن كەيىن، بۇگىنگى تاڭدا قازاقستاننىڭ ەكونوميكا، سىرتقى ساياسات، عىلىم جانە مادەنيەت سالالارىندا قول جەتكىزگەن جەتىستىكتەرى تاڭقالارلىقتاي. ءبىر مەملەكەت ءۇشىن قىسقا دەپ ايتۋعا بولاتىن مەزگىلدە قازاقستان ءوزىن ورتا ازيانىڭ جارقىراعان جۇلدىزىنا اينالدىرعان تابىستارعا قول جەتكىزدى. وسىنداي وراسان زور تابىسقا جەتۋدە 1989 جىلدان بەرى قاراي ەلگە باعىت-باعدار بەرىپ وتىرعان تاجريبەلى مەملەكەت قايراتكەرى نۇرسۇلتان نازارباەۆتىڭ ءرولى زور بولدى. كوپ جاقتى جانە جاڭاشىل ساياسات شارالارىمەن ەلدى قىسقا ۋاقىتتا اياعىنا تىك تۇرعىزعان نازارباەۆ تەك ءوزى جەتەكشىلىك ەتكەن قازاقستانعا عانا ەمەس، سونىمەن قاتار، ورتاعا سالعان پىكىر جانە ۇسىنىستارىمەن تۇركى الەمىنە دە جول اشىپ بەرىپ وتىر. قازاقستان رەسپۋبليكاسى پرەزيدەنتى نۇرسۇلتان نازارباەۆتىڭ ۇسىنىستارىمەن ومىرگە كەلگەن كەيبىر تۇركى مەملەكەتتىك ۇيىمداردى اتاپ وتەر بولساق: تۇركى تىلدەس ەلدەر مەملەكەت باسشىلارى تۇراقتىكەڭەسى، تۇركى تىلدەس ەلدەر پارلامەنتتىك اسامبلەياسى جانە تۇركى اكادەمياسى مەن تۇركى تىلدەس حالىقتار اقساقالدار كەڭەسى.

تۇركيادا قازاقستانعا جوعارى دەڭگەيدە كوڭىل ءبولىپ وتىر. قازاقستان جاعىراپيالىق ورنالاسۋى، تابيعي بايلىقتارىمەن تۇركيا ءۇشىن ماڭىزدى ءبىر ەل بولىپ سانالادى. تۇركيا مەن قازاقستاننىڭ سوڭعى ۋاقىتتاردا سىرتقى ساياساتتا جۇرگىزگەن كەڭ كولەمدى ءىس-شارالارى مەن ەكى ەل اراسىنداعى قارىم-قاتناستار كۇن وتكەن سايىن ماڭىزدى سيپات الۋدا جانە نىعايۋدا. مۇنىڭ ءوزىن تەك ەكى ەل اراسىنداعى تاريحي تامىرى تەرەڭ تۋىستىق بايلانىستارمەن ءتۇسىندىرۋ ازشىلىق ەتەدى. بۇل سونىمەن قاتار، ەكى ەلدىڭ گەوستراتەگيالىق ورنالاسۋلارى مەن سىرتقى ساياساتتاعى بەيبىتشىل ماقساتتارىنداعى ساباقتاستىقپەن دە تىعىز  بايلانىستى.

تۇركيا ءۇشىن وسىنداي ماڭىزعا يە ارىپتەس جانە باۋىرلاس ەل قازاقستان تۋرالى ەڭبەكتەردىڭ از ەكەندىگى جونىندەگى اششى شىندىق ءبىزدىڭ وسىنداي كوشباستاۋشى ءبىر كىتاپتى دايىنداۋىمىزعا سەبەپ بولدى.  قازاقستاندى اكتۋالدى مالىمەتتەرمەن جان-جاقتى تانىستىراتىن كىتاپتىڭ قاجەت ەكەندىگىن باسشىلىققا الىپ وسى ەڭبەكتى دايىندادىق. كىتاپتا اسىرەسە، بۇگىنگى قازاقستاندى تانىستىرۋعا ەرەكشە كۇش جۇمسادىق. كىتاپتىڭ باستاپقى تاراۋىندا كونە داۋىرلەردەن قازىرگە دەيىن قازاقستان تاريحىنىڭ نەگىزگى بەلەستەرىن اتاپ وتتىك. ءسويتىپ، وقىرماننىڭ قازاقستاننىڭ بۇگىنگى كۇنگە قالاي جەتكەنى جايىندا مالىمەت يەسى بولۋىنا كومەكتەسۋدى ماقسات تۇتتىق. بۇدان كەيىنگى تاراۋلاردا جاعراپيادان، سىرتقى ساياساتتان، ساۋدا جانە ەل ەكونوميكاسىنا دەيىن بۇگىنگى قازاقستانمەن تانىستىرۋدى باسشىلىققا الدىق. بۇل سالادا ەڭ سوڭعى دەرەكتەر مەن ستاتيستيكالىق مالىمەتتەردى پايدالانۋعا كۇش جۇمسادىق. بۇل كىتاپ اسىرەسە، ىسكەر ازاماتتارعا ارنالعاندىقتان ەكونوميكالىق تاقىرىپتارعا كوبىرەك ورىن بەردىك. ءسويتىپ، ەكى ەلدىڭ شارۋاشىلىق بايلانىستارىنىڭ ودان ءارى دامۋىنا جاناما تۇردە بولسا دا وزىمىزشە ۇلەس قوسۋدى ويلادىق. ارينە، ءبىر كىتاپتىڭ كولەمىندە ءبىر ەلدى تولىقتاي تانىستىرىپ ءوتۋ مۇمكىن ەمەس. سوندىقتان بۇل ەڭبەك قازاقستاندى بۇگە-شىگەسىنە دەيىن تولىقتاي تانىستىرادى دەگەننەن اۋلاقپىز. سونىمەن قاتار، قازاقستاننىڭ بۇگىنگىسىن تانىستىرۋدى ماقسات ەتكەندىكتەن، بۇل تۋرالى كىتاپتا بىرقاتار كەمشىلىكتەر مەن قاتەلىكتەردىڭ بولۋى دا زاندى. دەيتۇرعانمەن، ەگەر بۇل ەڭبەك قازاقستان تۋراسىندا وقىرماندارعا تيتتەي دە بولسا مالىمەت بەرىپ وي سالاتىن بولسا، وندا ءوزىمىزدى ماقساتىمىزعا جەتتىك دەپ سانايمىز. وسى ەڭبەكتىڭ جارىق كورۋىنە ەڭبەگى سىڭگەن بارلىق ازاماتتارعا، اسىرەسە، ىستامبۇل ساۋدا پالاتاسى پرەزيدەنتى مۇرات يالچىنتاشقا العىسىمىزدى ايتامىز".

ىستامبۇل قالاسى

«اباي-اقپارات»