"اۋەلى جۋرناليستەردىڭ قاۋىپسىزدىگىن قامتاماسىز ەتۋىمىز كەرەك. سالماقتى زەرتتەۋ. سوسىن باس پروكۋراتۋرا، قارجى پوليتسياسى، قارجى باقىلاۋى، ۇقمك جانە كەدەن قىزمەتى باسششىلارىن جۇمىستان شىعارۋ كەرەك. ولاردىڭ ورنىنا حالىق سەنەتىن ادامداردى قويۋ كەرەك. جاڭا باسشىلىقتان ءادىل زەرتتەۋ تالاپ ەتە الامىز. ءبىز، دەپۋتاتتار، ۇكىمەتتى وتستاۆكاعا جىبەرۋىمىز كەرەك. ۇكىمەتكە سەنىم قالمادى" دەدى بەكەشەۆ.
دەپۋتات ءوزىنىڭ سايتىندا "جەمقورلار بيلىكتە وتىر" دەپ مالىمدەدى. ول ازاماتتاردى جۋرناليستىك زەرتتەۋمەن بولىسۋگە شاقىردى.
"ازاتتىك" راديوسى ۇيىمداسقان قىلمىس پەن جەمقورلىقتى زەرتتەۋ ورتالىعىمەن (OCCRP) جانە Kloop.kg سايتىمەن بىرگە زەرتتەۋ جۇرگىزدى. وندا قىرعىزستاننان كەم دەگەندە 700 ملن دوللار شەتەلگە شىعارىلعانى ايتىلدى. 10 قاراشادا جۋرناليستىك زەرتتەۋدە ەسىمى اتالعانداردىڭ ءبىرى - قىتاي كاسىپكەرى ايەركەن ءسايمايتيدى ستامبۋلدا ءولتىرىپ كەتتى. ول جۋرناليستەرگە قىلمىستىق ارەكەتكە كەدەن قىزمەتى باسشىسىنىڭ بۇرىنعى ورىنباسارى رايىمبەك ماترايموۆتىڭ قاتىسى بارىن ايتقان.
Abai.kz
