قىزمەتكەر – مەكەمەنىڭ باستى قۇندىلىعى، دەگەنمەن باسشىلار ولاردى كوبىنە اكتيۆ رەتىندە ەمەس، مىندەتتەمە رەتىندە قابىلدايدى. مۇنداي ەسكى كوزقاراس مەكەمەنىڭ باستى رەسۋرسىن – مەكەمەنى وزگەرتۋ ءۇشىن قولدانۋعا كەدەرگى جاسايدى. ادامدار دا، مەكەمەلەر دە ءوز الەۋەتى مەن اكتيۆىن بارىنشا ءتيىمدى پايدالانۋ ءۇشىن وتكەننەن ساباق الۋ ءتيىس. مەكەمە ءوز مۇمكىندىگىن تولىققاندى پايدالانسىن دەسەك، ونى جاي مەنەدجەر ەمەس، كوشباسشى باسقارۋى قاجەت.

تەك ساناۋلى عانا مەكەمەلەر «ادام كۇشىن» باعالاي باستادى. كوبى كەرى باعىتتا ۇستانىپ، قىزمەتكەرلەردىڭ مەكەمەگە دەگەن نيەتىنە نەمقۇرايدى قاراپ، قامقور بولۋدىڭ ورنىنا قىسقارتىپ، بار كۇشتەرىن تەك ناتيجەگە جۇمىلدىرادى.

توم پيتەرس ءوزىنىڭ «الاساپىراندا جەتىستىككە جەتۋ» كىتابىندا جازعانداي، تابىستى بولعان مەكەمەلەردىڭ بارلىعى دا تومەندەگىدەي ورتاق قاسيەتكە يە:

1) ءبىر دەڭگەيدەگى قۇرىلىمدار باسىم، جوعارىدان تومەنگە تارايتىن يەرارحيالىق قۇرىلىمى از;

2) دەربەس بولىمشەلەر سانى كوپتەۋ;

3) قوسىمشا قۇنى جوعارى تاۋار شىعارىپ، قىزمەت كورسەتۋگە قاراي باعدار العان;

5) ساپانى باقىلاۋ;

6) سەرۆيستى باقىلاۋ;

7) ەلگەزەكتىك;

8) يننوۆاتسيانى ەنگىزۋ جىلدامدىلىعى;

9) يكەمدىلىك;

10) قولى شەبەر، اقىلى كەمەل، جوعارى بىلىكتى جۇمىسشىلار

11) بارلىق دەڭگەيدە مەنەدجەرلەر ەمەس، كوشباسشىلار بولۋى كەرەك.

شىڭعىس مۇقاننىڭ الەۋمەتتىك جەلىدەگى پاراقشاسىنان

Abai.kz