مەملەكەت باسشىسى قاسىم-جومارت توقاەۆ قوستاناي وبلىسى قوستاناي اۋدانىنىڭ زاتوبول كەنتىن اۋداندىق ماڭىزى بار قالالار ساناتىنا جاتقىزۋ جانە ونى قايتا اتاۋ تۋرالى جارلىققا قول قويدى.

بۇل تۋرالى اقوردانىڭ رەسمي سايتى حابارلادى.

«قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى تۋرالى» 1993 جىلعى 8 جەلتوقسانداعى قازاقستان رەسپۋبليكاسى زاڭىنىڭ  9-بابىنا سايكەس قاۋلى ەتەمىن:

1, قوستاناي وبلىسى قوستاناي اۋدانىنىڭ زاتوبول كەنتى اۋداندىق ماڭىزى بار قالالار ساناتىنا جاتقىزىلسىن.

2, زاتوبول كەنتى توبىل قالاسى بولىپ قايتا اتالسىن.

3, وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ق.توقاەۆ
نۇر-سۇلتان، اقوردا، 2020 جىلعى 2 قاڭتار № 235

Abai.kz