دوستار، بىزگە قازىر تۇتاس اۆياتسيا سالاسىنا تالداۋ جاساپ، جۇيەلى تۇردە شارالار قابىلداۋ قاجەت دەپ ەسەپتەيمىن.
⠀
1. اۆياتسيا سالاسىن باقىلايتىن مەملەكەتتىك مەكەمەلەردەگى سىبايلاس جەمقورلىق.

2. اۆياتسيا جانارمايىن ساتىپ الۋ جانە ونى قامتاماسىز ەتۋ سالاسىنداعى سىبايلاس جەمقورلىق اۋەجانارماي باعاسىنىڭ وسۋىنە اكەلەدى.

3. اۋەجاي مەنەدجمەنتى سالاسىنداعى سىبايلاس جەمقورلىق اۋەجايداعى قىزمەت كورسەتۋ باعاسىنىڭ قىمباتتاۋىنا اكەپ سوعادى.

4. اۆياتسيالىق تەحنيكا ليزينگى سالاسىنداعى سىبايلاس جەمقورلىق.
⠀
وسى سەبەپتەردىڭ ءبارى مىنالارعا اكەلەدى:
⠀
⁃ قازاقستانداعى ۇشۋ ساعاتتارىنىڭ قىمباتتاۋى;

⁃ اۋەبيلەتتەرىنىڭ قىمباتتاۋى;

⁃ رەيستەردىڭ ىڭعايسىزدىعى;

⁃ نەگىزىنەن، تۇنگى رەيستەر;

⁃ رەيستەردىڭ ءجيى كۇتتىرۋى مەن ۇشپاي قالۋى;

⁃ شەتەلدىك اۋەكومپانيالارىنىڭ قازاقستاننان كەتۋى;

⁃ اۋەقاۋىپسىزدىگىندەگى جۇيەلى قاتەلىكتەر.
⠀
جايلاعان جەمقورلىقتىڭ سالدارىنان تۋىنداعان وسى سياقتى ماسەلەلەردى شەشىپ المايىنشا، ءبىز بۇل سالادا ۇنەمى وسى سەكىلدى پروبلەمالارعا كەزىككەنىمىز كەزىككەن. ساياسي ۇمتىلىس كورسەتىپ، بۇل سالانى تارتىپكە كەلتىرەتىن ۋاقىت كەلدى. ەگەر ءبىز قوعام رەتىندە وسى جاعدايدىڭ تەرگەۋ ناتيجەلەرىمەن عانا قاناعاتتانىپ قالاتىن بولساق، وندا الدا تاعى دا ۇشاق اپاتتارىنا  جول اشامىز دەگەن ءسوز.

مارعۇلان سەيسەمباي

Abai.kz