2020 جىلعى 5 قاڭتاردا يران تاراپىنىڭ باستاماسىمەن قازاقستان رەسپۋبليكاسىنىڭ سىرتقى ىستەر ءمينيسترى مۇحتار تىلەۋبەردى يران يسلام رەسپۋبليكاسىنىڭ سىرتقى ىستەر ءمينيسترى موحامماد دجاۆاد زاريفپەن تەلەفون ارقىلى سويلەستى.

يران ءسىم باسشىسى تاياۋ شىعىستاعى اعىمداعى احۋال تۋرالى حاباردار ەتتى.

مينيستر م. تىلەۋبەردى وڭىردەگى جاعدايدىڭ شيەلەنىسۋىنە الاڭداۋشىلىق ءبىلدىردى. ول بارلىق تاراپتاردى شيەلەنىستىڭ ودان ءارى ۋشىعۋىن بولدىرماۋ ءۇشىن ۇستامدىلىق تانىتۋعا جانە جانجالدى شەشۋدىڭ ساياسي-ديپلوماتيالىق جولدارىن ىزدەۋگە شاقىردى.

ايتا كەتەيىك، تاياۋ شىعىستاعى جاعداي يراندىق ارنايى ءبولىمنىڭ گەنەرالى كاسەم سۇلەيمەني ولتىرىلگەننەن كەيىن ناشارلاعان. ول وتكەن جۇمادا امەريكا قۇراما شتاتتارىنىڭ باعداد اۋەجايىنا جاساعان زىمىران سوققىسى كەزىندە قايتىس بولدى.

وسىعان دەيىن دە اقش پەن يران ۇزاق ۋاقىت قاقتىعىس جاعدايىندا بولعان.

ساراپشىلاردىڭ پىكىرىنشە، تەگەراندا سۇلەيمانيگە جاسالعان قاستاندىق يسلامدىق جۇيە جۇمىس ىستەپ تۇرعانشا ەستە بولادى.

يران باسشىلىعى اقش-تىڭ قىزىل سىزىقتى كەسىپ وتكەنىن ايتتى. ەلدىڭ جەتەكشىسى اياتوللا الي حامەنەي اعا اسكەري ادامدى ولتىرگەنى ءۇشىن امەريكادان كەك الاتىنىن ايتىپ، قورقىتتى جانە ەلدە 3 كۇندىك ازا تۇتۋ جاريالاندى.

Abai.kz