ابايدىڭ ءۇش شەكتى دومبىراسى. وسىناۋ ەرەكشە دومبىرانى ۇلى اتامىز اباي، ونىڭ دوسى، ءانشىسى الماعامبەت، حالىق جىرشىسى شاكىر ابەنوۆ قولدانىپ، ءومىر كۇيىن شەرتكەن. بۇگىندە، ەشكىم بۇل دومبىرامەن ءان سالىپ، كۇي ساندىعىن شەرتپەيدى.

ءبىر قىزىعى، جالپى ەلىمىزدىڭ شىعىسىنا دا ءۇش شەكتى دومبىرا ءتان ەمەس ءتارىزدى. اباي، ونىڭ ءىزباسارلارى عانا قولدانعان فەنومەن، ەرەكشە مادەني-ونەر باعىتى. ابايدىڭ ەڭ نەگىزگى قازىناسى، ونىڭ ەرەكشەلىگىندە. بۇل تەرەڭ فيلوسوفيالىق- رۋحاني باعىت. ول قازاق بولا تۇرا، دۇنيەتانىمى قازاقي، تۇلا بويى ءوزىمىز بولسا دا، قازاقتان ەرەكشە. دارا تۇلعا. اباي جىلى ۇلى بابامىزدىڭ رۋحاني قازىناسىن تۇگەندەپ، وعان باسقاشا، بۇگىنگى كۇننىڭ كوزقاراسىمەن باعا بەرە وتىرىپ، ابايدىڭ فيلوسوفيالىق، ۇلتتى مودەرنيزاتسيالاۋ باعىتىنداعى ەرەكشە كوزقاراستارىن دارىپتەۋ جىلى بولسا كەلەر ۇرپاققا پايداسى زور بولار ەدى.

توي-دومالاق پەن تۆورچەستۆولىق كەشتەر كۇندە ءوتىپ جاتىر عوي. (ولاردىڭ دا ماڭىزى وتە زور). ابايدى سوكرات، دەكارد، گەگەل، فەيەرباح، نيتسشە ءتارىزدى الەمدە تانىلعان ويشىلداردىڭ قاتارىندا باتىس مادەنيەتىنە مويىنداتا الساق، الار اسقار تاۋىمىز سول بولماق.

"اقىلدى كىم ۇيرەنەدى، ناسيحاتتى كىم تىڭدايدى" دەمەكشى، ابايدى ناسيحاتتاپ قاجەتى جوق. ابايدى ۇعىنىپ، ءتۇسىنۋ قاجەت. ءبىز سول ۇعىنىپ، ءتۇسىنۋ دەڭگەيىنە جەتىپ، سونى باتىسقا دارىپتەسەك. مەنىڭ ويىمشا، نەگىزگى ميسسيا وسىندا...

دومبىرانىڭ فوتوسى سەمەي قالاسىنداعى ابايدىڭ ادەبي- مەموريالدىق مۇراجايىنان الىندى. سونىمەن قاتار، ابايدى تانۋ ماسەلەسى بويىنشا، وسى مۇراجايعا بۇكىل حالىقتىق مارشرۋت جاساساق وتە جاقسى بولار ەدى.

مۇراجاي 1940 جىلى مۇحتار اۋەزوۆتىڭ ۇسىنىسى بويىنشا اشىلعان. وتە قىزىقتى جانە تاعىلىمدى ورىن...