مەملەكەت باسشىسى قاسىم-جومارت توقاەۆ جوعارعى سوت توراعاسى جاقىپ اسانوۆتى قابىلدادى.

كەزدەسۋ بارىسىندا جاڭا سۋديالاردى ىرىكتەۋ، كونكۋرس راسىمدەرىنىڭ اشىقتىعى مەن كادرلاردى ىلگەرىلەتۋ ءىسىن وبەكتيۆتى جۇرگىزۋ ماسەلەلەرى تالقىلاندى.

قاسىم-جومارت توقاەۆقا 2019 جىلى زاڭسىز شەشىم قابىلداعان، سوت ادەبىن بۇزعان، اتتەستاتسيادان وتپەگەن 37 سۋديانىڭ تەرىس ءىس-ارەكەتتەرى ءۇشىن جۇمىستان شىعارىلعانى تۋرالى اقپارات بەرىلدى. بىرقاتار سوتتىڭ تارتىپتىك جانە قىلمىستىق جاۋاپكەرشىلىككە تارتىلعانى جايىندا ايتىلدى.

جاقىپ اسانوۆ قازاقستان پرەزيدەنتىنە سوت شەشىمدەرىنىڭ ساپاسىن ارتتىرۋعا باعىتتالعان شارالار جونىندە مالىمەت بەردى.

كەزدەسۋ قورىتىندىسى بويىنشا مەملەكەت باسشىسى «100 ناقتى قادام» ۇلت جوسپارى مەن قازاقستان حالقىنا ارنالعان جولداۋدا ايتىلعان مىندەتتەردى ورىنداۋ جۇمىستارىن جالعاستىرۋدى تاپسىردى. پرەزيدەنتتىڭ پىكىرىنشە، مەملەكەتتىك ورگاندار مەن ازاماتتار اراسىنداعى قۇقىقتىق داۋلاردى شەشۋ مەحانيزمى رەتىندە اكىمشىلىك ادىلەت قۇرىلىمىن ەنگىزۋ ماڭىزدى مىندەت سانالادى.

قاسىم-جومارت توقاەۆ سوت جۇيەسىن رەفورمالاۋ جۇمىستارىن جالعاستىرۋ جونىندە تاپسىرما بەردى.

Abai.kz