مۇقاعالي ماقاتاەۆتىڭ كۇندەلىگىنەن
25-ماي 1974 جىل.
بيىل 19-مايدا ومىرىمدە ءبىرىنشى رەت، بالكي، سوڭعى رەت ۇلكەن كىسىگە ءوتىنىش ءبىلدىردىم. ونىڭ اتىنا ورىسشا جازىپ ۇلكەن حات جىبەردىم. شىنىمدى ايتىپ، اشىنا ءبارىن مويىندادىم. ەشكىمنىڭ ۇستىنەن شاعىم ايتپادىم. بۇل ارەكەتىمنەن نە شىعاتىنى، مەنى الدىمدا نە كۇتىپ تۇرعانى بەلگىسىز. حاتىم قولىنا تيە مە، بىلمەيمىن، ول ءوزى وقىپ تانىسار ما ەكەن الدە جوق پا؟ مەنى تەك ءبىر نارسە ۇمىتتەندىرەدى: ەگەر ول ءوزى تانىسسا، سونداي ۇلكەن ادامدا قالايشا ۇلكەن جۇرەك بولمايدى؟ وعان ءوتىنىش ءبىلدىرىپ وتىرعان كوپتىڭ ءبىرى ەمەس، اقىن عوي، ۇلكەن جاندى اقىن… ازىرشە كۇتۋدەمىن.
29-ماي 1974 جىل.
مەنىڭ ۇلكەن كىسىم ءۇنسىز، قالامداستارىم دا ءۇنسىز. مەنىڭ تاعدىرىم، اقىن تاعدىرى قالايشا ەشكىمدى سەلت ەتكىزبەدى؟ بىلمەيمىن، مەن ءوزىمدى ءوزىم ابدەن اياماي ايىپتاپ بىتكەندە، ولار مەنى قالايشا تاعى قايتا جازعىرماق؟ مەن، بالكىم، ءوزى دە وڭدى بىتكەلى تۇرعاندا، ءوتىنىش ايتپايتىن جاققا ءوتىنىش ايتىپ، شالىس قادام جاساپ قويدىم با؟! كەيدە شىن جۇرەكتەن ايتقان سىرىڭنىڭ بۋمەرانگقا اينالىپ، وزىڭە قايتا ورالىپ سوعۋى دا عاجاپ ەمەس. ەگەر تاعى قايتادان باس-كوز جوق سوگۋ، داتتاۋ باستالىپ كەتسە، قايتەم؟!
جۇلدىز مۇقاعاليۇلى:
اكەم كەزىندە ديماش احمەتۇلىنا حات جازدى. سول كىسىدەن جاۋاپتى كوپ كۇتتى. Əتتەڭ، جاۋاپ كەلمەدى. Əيتپەسە، əكەمنىڭ ءومىرى سəل باسقا ارنامەن اعاتىن با ەدى…
اسەت اقمولدانىڭ الەۋمەتتىك جەلىدەگى جازباسىنان
Abai.kz
