ۇزاققا سوزىلعان سويلەسۋلەردىڭ قورىتىندىسى بويىنشا ەكى تاراپ كۇن تارتىبىندەگى التى ماسەلەنى ماقۇلداپ، حاتتاماعا قول قويعان.
وسىعان دەيىن قىرعىز-تاجىك توپوگرافيالىق توبى ىستەن شىققان 114 شاقىرىم ارالىقتاعى ماقۇلدانعان شەكارا ايماعىن انىقتاپ، قۇقىقتىق نەگىزدەرىن ءبىر اي ىشىندە بەلگىلەۋگە ۇسىنىس بەرىلسىن.
شەكارا ايماعىندا شاحمات تۇرىندە ورنالاسقان قالعان جەرلەردى انىقتاپ، جەرلەردى الماسۋ بويىنشا ۇسىنىس وسى جىلدىڭ 1 ناۋرىزىنا دەيىن بەرىلسىن.
جانجال كوپ شىعاتىن، ەكى ەل تۇرعىندارى جايعاسقان ايماققا بىرلەسكەن كۇزەت قويىلسىن.
قىرعىز-تاجىك شەكتەسەتىن ايماقتار جارىقتاندىرىلىپ، ۆيدەو قويىلسىن.
ەكى ەل ورتاسىندا ساۋدا-ساتتىق پەن مادەنيەت الماسۋدى دامىتۋ كۇشەيتىلسىن.
قىرعىز-تاجىك شەكاراسىندا اتقارىلىپ جاتقان جۇمىستار بۇقارالىق اقپارات قۇرالدارى ارقىلى جاريالانىپ وتىرسىن.
اتالعان ايماقتا 10 قاڭتارعا قاراعان ءتۇنى ەكى ەل تۇرعىندارى اراسىندا جانجال شىققان. ءبىر-بىرىنە تاس لاقتىرىپ، وق وتۋعا دەيىن بارعان.
Abai.kz
