جاقىندا ءبىلىم جۇيەسىندەگى وزگەرىستەرگە قاتىستى تاعى ءبىر جاڭالىقتى قۇلاعىم شالدى. ول ءبىلىم ءجۇيسىن باسقارۋعا قاتىستى ەكەن. ياعني، 2021 جىلدان باستاپ بۇكىل قارجىسىن، ال 2020 جىلدىڭ 1 قاڭتارىنان باستاپ اۋدان، قالا ءبىلىم بولىمدەرى باسشىلارىن مينيسترلىكپەن كەلىسىپ تاعايىنداۋ وبلىسقا بەرىلەتىن بولىپتى. بۇل دەگەنىڭىز بارلىق فۋنكتسيالاردىڭ اۋدان قالا دەڭگەيىنەن وبلىسقا بەرىلەدى دەگەندى ءسوز. مۇنىڭ نە وزگەرىس ەكەنىن قاراپايىم كوپشىلىك بىلە بەرمەۋى دە مۇمكىن. ماسەلە تۇسىنىكتى بولۋى ءۇشىن ءاڭگىمەنى ءسال ارىدەن باستاعان دۇرىس شىعار.

كەڭەس ۇكىمەتى قۇلاپ، ەلىمىز تاۋەلسىزدىك العانعا دەيىن ءبىزدىڭ ءبىلىم جۇيەسىن باسقارۋ ۆەرتيكالدى بولدى. اۋدان، قالا بولىمدەرى مەن وبلىستىق باسقارمالار باسشىلارىن مينيسترلىكتىڭ ەلەگىنەن وتكەن سوڭ بارىپ تاعايىندالاتىن. بۇل ءبىلىم جۇيەسىن باسقارۋعا كەزدەيسوق ادامداردىڭ كەلۋىنە جاقسى توسقاۋىل ەدى. ءبارىڭىزدىڭ ەستەرىڭىزدە بولسا، ول كەزەڭدەگى باسشىلاردا ۇلكەن جاۋاپكەرشىلىك سەزىلەتىن. كەيىنگى وتىز جىلدا اۋدان اكىمدەرىنىڭ كوپشىلىگى قولىنا تيگەن مۇنداي مۇمكىندىكتى دۇرىس پايدالانا المادى دەسەدە بولادى.

ماسەلەن، كەيىنگى كەزدەرى جەلىدە اۋدان اكىمى تاعايىنداعان ءبىلىم بولىمدەرىنىڭ باسشىلارىنىڭ بىلىكتىلىگىنە كۇمان كوبەيىپ كەتتى. اسىرەسە ءبىلىم سالاسىنان اۋىلى الىس نەمەسە ءتيىستى ديپلومى جوق كەزدەيسوق ادامداردىڭ باسقارىپ وتىرعانى تۋرالى شاعىمدار ءجيى ايتىلا باستادى. نەمەسە ءبىر وبلىستاعى اۋدانداردىڭ جاعدايىنىڭ ءار قيلىلىعى. ياعني، اۋدان اكىمىنىڭ كوزقاراسىنا ءبىلىم سالاسى ءتاۋىلدى بولا باستادى. سونىڭ كەسىرىنەن ەلىمىزدەگى ءبىلىم ساياساتىنىڭ ءار جەردە ءار قيلى بولۋىنا اكەلىپ سوقتى. بۇل ءبىر ەلدە تۇراتىن بالالارىمىزدىڭ ساپالى ءبىلىم الۋىنا جاسالاتىن جاعدايدىڭ تەك ءبىر اۋدان اكىمىنە ءتاۋىلدى ەتتى. ولاردىڭ اراسىندا ءبىلىم سالاسىن ءجىتى تۇسىنبەگەندىكتەن استى-ءۇستى قارايتىندارى كوبەيە باستادى. بۇل ءسىز بىلەتىن ماسەلەنىڭ ءبىر قىرى عانا.

سوندىقتاندا مەن ءبىلىم جۇيەسىن باسقارۋعا بىلىكتى مامانداردىڭ كەلگەنىن قالايمىن. جاڭا باسقارۋ جۇيەسى وسىنداي قاپتاعان كەمشىلىكتەردىڭ ورنىن تولتىراتىنىنا سەنىمىم مول. ولاي بولسا، ءبىلىم مينيسترلىگىنىڭ مۇنداي باستامالارىن قولداۋ قاجەت دەپ ويلايمىن.

جاڭا وزگەرىستەردىڭ ءبىر-ەكى ەرەكشەلىكتەرىنە توقتالا كەتەيىن: