جۋىردا عانا رەسەي پرەمەر-ءمينيسترى قىزمەتىنە كىرىسكەن ميحايل ميشۋستين الماتىعا كەلەدى. ول 31-قاڭتاردا وتەتىن ەۋرازيالىق ۇكىمەتارالىق كەڭەستىڭ وتىرىسىنا قاتىسادى.

تاراپتار بىرلەستىكتىڭ جۇمىسى، نورماتيۆتىك-قۇقىقتىق بازانى جەتىلدىرۋ جانە ۇلتتىق ۆاليۋتالاردى قولدانۋ اۋقىمىن كەڭەيتۋ ماسەلەلەرىن تالقىلايدى.

- ءبىرىنشى كەزەكتە ەاەو ىشكى نارىعىنداعى كەدەرگىلەردى جويۋعا، ۇلتتىق اقپاراتتىق جۇيەلەردى بىرىكتىرۋگە، كەدەندىك رەتتەۋ سالاسىندا ءوزارا ارەكەتتەسۋگە جانە جالپى وداقتىق نارىقتى قالىپتاستىرۋعا باسا نازار اۋدارىلادى، - دەلىنگەن رەسەي ۇكىمەتىنىڭ ءباسپاسوز قىزمەتى تاراتقان حابارلامادا.

سونىمەن، 31-قاڭتار كۇنى قازاقستان، رەسەي، قىرعىزستان، بەلارۋس جانە ارمەنيانىڭ پرەمەر-مينيسترلەرى الماتىدا باس قوسپاق. سونداي-اق، بۇل جاھاندىق ەكونوميكا فورۋمىنا ءازىربايجان، وزبەكستان جانە مولدوۆا ۇكىمەت باسشىلارى دا قاتىسادى.

Abai.kz