قر دەنساۋلىق ساقتاۋ ءمينيسترى ەلجان ءبىرتانوۆ قىتايدا قازىرگى ۋاقىتتا 10 مىڭنان استام قازاقستاندىق ازامات بار ەكەنىن ايتتى. ءمينيستردىڭ ايتۋىنشا، قازىر قازاقستان ۇكىمەتى ولاردى چارتەرلىك جانە جوسپارلى رەيستەرمەن قايتارۋدى ۇيىمداستىرىپ جاتىر. بۇل تۋرالى «Tengrinews.kz» سايتى حابارلادى.

«قازىر قحر-دا كوپتەگەن ازاماتىمىز بار. قازاقستان ءسىم مالىمەتتەرى بويىنشا، 10 مىڭنان استام ادام. سوندىقتان ءبىز ولاردى اۋە رەيسىمەن قايتارامىز. بۇرىن قىتايدان قازاقستانعا بيلەتتەر العان قازاقستاندىقتار، ارينە، مىندەتتى تۇردە قايتىپ كەلۋى ءتيىس. ءبىز ولاردى ۇشۋدان شەكتەمەيمىز، ولار قايتارىلادى.

بۇدان باسقا، قاجەت بولعان جاعدايدا قىتايدىڭ باسقا وڭىرلەرىنەن ازاماتتاردى كوشىرۋ ءۇشىن ۇكىمەت قازىر چارتەرلىك رەيستەردىڭ كومەگىمەن قايتارۋ ماسەلەسىن پىسىقتاىپ جاتىر.

قحر-دىڭ باسقا قالالارىنان قازاقستاندىق ازاماتتاردى قايتارۋعا ەشقانداي شەكتەۋ جوق. سوندىقتان ولار رەيس ۇشاقتارىمەن دە، چارتەرلىك ۇشاقتارمەن دە ورالۋى مۇمكىن. وسى اپتانىڭ سوڭىنا دەيىن ءبىز قحر-دان قالعان ازاماتتاردى قايتارامىز»، - دەدى ءبىرتانوۆ.

«ءبىزدىڭ ازاماتتارىمىزدىڭ بارلىعىمەن بايلانىس بار. ءبىز ولاردىڭ جاعدايىن باقىلايمىز. بۇگىنگى تاڭدا قازاقستاندىق ازاماتتار اراسىندا اۋىرعاندار جوق. ولاردى قالاۋى بويىنشا قايتارامىز، ياعني بارلىعى قايتىپ ورالعىسى كەلمەيدى. بۇل جۇمىس جوسپارلى تۇردە جۇرگىزىلىپ جاتىر»، - دەدى مينيستر.

Abai.kz