لاتىن گرافيكاسىنا كوشۋ ءۇردىسى باستالعالى بەرى قوعامنىڭ قازاق جازۋىنا بەي-جاي قارامايتىنى ايقىن بايقالىپ وتىر. لاتىن گرافيكاسىنا نەگىزدەلگەن جاڭا əلىپبيدەگى كەيبىر دىبىستاردىڭ تاڭبالانۋى جازۋ مەن وقۋ بارىسىندا قولايسىزدىقتار تۋدىرۋىنا بايلانىستى قوعام تاراپىنان سىن-پىكىرلەر كوپ ايتىلدى.  سول سەبەپتى دە قازىرگى كەزەڭدە ءالىپبيدى جەتىلدىرۋ، تولىقتىرۋ جۇمىستارى قولعا الىنعانى ءمالىم. بەكىتىلگەن ءالىپبيدى جەتىلدىرۋدە اسىرەسە ءۇ، ۇ، ۋ دىبىستارىنىڭ تاڭبالارىنىڭ ءوزارا ۇقساس بولۋىنا نازار اۋدارۋ كەرەك. 

 مىسال رەتىندە «ۇيات، ۇلتتىق، ۇمىتشاقتىق، ۋىلدىرىق، بۇلبۇل، سامۇرىق، ۋنيۆەرسيتەت، ۇيرەتۋ، داۋىستى، ۋىق، ۋاقىت» سوزدەرىنىڭ «uıat, ulttyq, umytshaqtyq, ýyldyryq, bulbul, samuryq, ýnıversıtet, úıretý، daýysty, ýyq, ýaqyt» تۇرىندەگى لاتىن قارپىمەن جازىلعان نۇسقاسىنا قاراعاندا «ūiat, ūlttyq, ūmytu, uyldyryq, būlbūl, samūryq, universitet, úiretu, dauysty, uyq, uaqyt» رەتىندە جازىلعانى الدەقايدا قابىلداۋىمىزعا جەڭىل.

ءالىپبيدى مەكتەپ تابالدىرىعىن اتتايتىن بالادان باستاپ، بىرنەشە جىل زەينەتكەر اتانىپ قالعان قاريا دا، كۇندەلىكتى قالامى قولىنان تۇسپەيتىن ماماندىق يەلەرى دە، جازۋ مەن وقۋدى سيرەك پايدالاناتىندار دا (بۇگىنگى كۇنى ونداي ادام جوق تا شىعار؟) وڭاي مەڭگەرۋى ماڭىزدى بولماق.

ءالىپبي اۋىستىرۋ ءبىر ءارىپتىڭ ورنىنا ەكىنشى ءارىپتى قويۋ ەمەس ەكەندىگى بەلگىلى. ۇيرەنۋگە دە، ۇيرەتۋگە دە جەڭىل ءارى سول ءارىپتىڭ تابيعاتىن اشا بىلەتىن ارىپتەردى الىپبيدە قولدانۋ ارقىلى ۇتارىمىز كوپ بولماق.  

تۇرسىنوۆا مارحابا احمەتقاليقىزى

ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتى قازاق ءتىل ءبىلىمى كافەدراسىنىڭ دوتسەنتى، ف.ع.ك.

Abai.kz