"كورشىسىنە تارتقان" - دەگەندى قالجىڭ رەتىندە قۇرداستار عانا كوتەرەتىن شىعار، قازاق كوتەرمەيدى. ول نامىسقا تيەدى. كەرەك دەسەڭ "ناعاشىسىنا تارتقان!" - دەگەندى ار ساناپ، ءوز اتا-باباسىنىڭ جەردە جاتقان ادام ەمەستىگىن دالەلدەپ شىعا كەلەدى.

سول سياقتى "نە بولدى ساعان، پالەنشەگە ۇقساپ؟!"- دەپ كورشى بىرەۋگە. قۇلاعىڭ تۇنىپ قالادى جاۋاپقا. ول دا نامىسقا تيەتىن ءسوز. قازاق ەشكىمگە ۇقساعىسى دا كەلمەيدى. "جاعىمپازدانباي قويشى ءارى" - دەسەڭ، قولىڭدا ءولەدى ول قازاق. قۇداي بەرگەن كەلبەتىنە قاراپ ء"تۇرىڭ قىتايعا ۇقسايدى" نەمەسە "ساپ-سارى، كوزى كوك، ورىستان اۋمايدى!" - دەشى. باياعى قازاقتىڭ كوك كوزدى بولعانىن، قىسىق كوز بولعانىن دالەلدەيتىن پاشكى-پاشكى دالەلدىڭ استىندا قالاسىڭ. ول دا ۇلتتىق نامىستىڭ ءبىر پۇشپاعى.

ال، ەندى سول قازاق بيلىككە ارالاسىپ، ۇكىمەتكە بارعاندا ورىس ويلىلانىپ، قىتاي قىلىقتانىپ قالاتىنى نەسى؟ ناعاشىسىنا تارتقاندىعىن ار سانايتىن باۋىرىم ۆولوديادان اۋماي قالعىسى كەلەتىنى نەلىكتەن؟ قازاق تۋىسىن تۇقىرتىپ، "پەتروپاۆل", "پاۆلودار", "ۇيعىر اۋدانى" - دەگەن اتاۋلاردى وزگەرتسەك دەگەندى "تىنىش وتىرساڭشى! ارازدىق تۋدىرماي، جايىڭا ءجۇر! سەن تۇگىل سول جەردەن شىققان بالەنباي زيالى دا ايتقانىڭا قوسىلمادى. تەپە-تەڭدىكتى ۇستاۋ ءۇشىن ول كەرەك" - دەگەن ماعىناسىز جاسىرىن تۇرپەك جاسايتىنى نەسى؟ نەگە سونى اشىق ايتىپ جاۋاپ بەرە المايدى؟

كىمنىڭ تەپە-تەڭدىگىن ساقتايمىن؟ نەعىلعان تەڭدىك؟ اتا قونىسىڭنىڭ اتىن وزگەرتە الماۋدىڭ تەڭدىگى قاي جەرىندە؟

اسقار نايمانتايدىڭ الەۋمەتتىك جەلىدەگى جازباسىنان

Abai.kz