ەو-نىڭ سىرتقى ىستەر جانە قاۋىپسىزدىك بويىنشا جوعارعى كوميسسارى جوزەپ بوررەل ەۋروپالىق وداق يزرايل مەن "تاۋەلسىز، دەموكراتيالىق، ەگەمەندى جانە تۇراقتى پالەستين مەملەكەتىنىڭ بولۋىن جاقتايتىنىن" تاعى ءبىر ناقتىلادى.
“امەريكا داۋىسى" جاڭالىقتار قىزمەتى حابارلاعانداي، جوسپار پالەستين مەملەكەتىنىڭ قۇرىلۋىن قاراستىرعانىمەن، ول پالەستيندىكتەردىڭ تالاپتارىنا جاۋاپ بەرمەيدى، يزرايل مۇددەسىن جاقتايدى.
ديپلومات جوزەپ بوررەل ءيزرايلدىڭ پالەستين جەرلەرىن اننەكسيالاپ الۋ ارەكەتى "جاۋاپسىز قالمايدى" دەپ ەسەپتەيدى. ول بەيبىتشىلىككە جەتۋ ءۇشىن پالەستينا شەكاراسىن بەلگىلەۋ ماسەلەسىن رەتتەپ، يەرۋساليم مارتەبەسىن شەشۋ كەرەك دەگەن پىكىردە.
پالەستينا اۆتونومياسىنىڭ باسشىسى ماحمۋد ابباس ترامپتىڭ جوسپارىن "ماڭىزسىز" دەپ اتاعان.
Abai.kz
