نۇر-سۇلتاندا «حالىق ۇنىنە قۇلاق اساتىن مەملەكەت» تۇجىرىمداماسىنا كوشۋ تاسىلدەرىن ازىرلەۋ جونىندەگى جۇمىس توبىنىڭ وتىرىسى ءوتتى.

قازاقستان رەسپۋبليكاسى اقپارات جانە قوعامدىق دامۋ مينيسترلىگىندە
مەملەكەت باسشىسى باستاماشىلىق ەتكەن «حالىق ۇنىنە قۇلاق اساتىن
مەملەكەت» تۇجىرىمداماسىنا كوشۋ جونىندەگى تاسىلدەردى ازىرلەۋ جونىندەگى
جۇمىس توبىنىڭ ءبىرىنشى وتىرىسى بولىپ ءوتتى.

جۇمىس توبىنىڭ قۇرامىنا قازاقستان رەسپۋبليكاسى پارلامەنتى ءماجىلىسىنىڭ
دەپۋتاتى، ورتالىق مەملەكەتتىك ورگانداردىڭ، ازاماتتىق قوعام، ۇەۇ، مەديا
سالاسى پەن اقپاراتقا قول جەتكىزۋ سالاسىنداعى ساراپتامالىق
قاۋىمداستىقتىڭ وكىلدەرى قاتىستى.

مەملەكەت باسشىسى ءوزىنىڭ «سىندارلى قوعامدىق ديالوگ –
قازاقستاننىڭ تۇراقتىلىعى مەن وركەندەۋىنىڭ نەگىزى» اتتى حالىققا
جولداۋىندا «حالىق ۇنىنە قۇلاق اساتىن مەملەكەت» تۇجىرىمداماسى بارلىق
ازاماتتاردىڭ وتىنىشتەرىنە جەدەل جانە ءتيىمدى ارەكەت ەتۋگە باعىتتالۋى ءتيىس
ەكەنىن اتاپ ءوتتى.

بۇل رەتتە پرەزيدەنت مەملەكەتتىك اپپارات قىزمەتىندەگى پروبلەمالار
كوبىنەسە ازاماتتار مەن جەرگىلىكتى جەرلەردەگى شەنەۋنىكتەر اراسىنداعى كەرى
بايلانىستىڭ بولماۋىنا بايلانىستى ەكەندىگىنە نازار اۋداردى.
وتىرىستا حالىقپەن تىكەلەي جانە كەرى بايلانىس ارنالارىنىڭ جۇمىسىنداعى پروبلەمالار نەگىزىندە ازىرلەنگەن «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ تاسىلدەرى تانىستىرىلدى.

ماسەلەن، قازىرگى ۋاقىتتا مەملەكەتتىك ورگانداردىڭ تۇرعىندارمەن ءوزارا
ءىس-قيمىلىنا ازاماتتاردىڭ وتىنىشتەرىمەن جۇمىس ىستەۋ جۇيەلىلىگىنىڭ جانە
مەملەكەتتىك ورگانداردىڭ پرواكتيۆتىلىگىنىڭ بولماۋى اسەر ەتەدى.

«ءبىز وسى ماسەلەلەردى شەشۋ ءۇشىن حالىقپەن تىكەلەي جانە كەرى بايلانىس
ارنالارىنىڭ جۇمىسىن جۇيەلى مونيتورينگىلەۋ جانە تالداۋ، باق، ۇەۇ
جانە حالىقتىڭ كەلىپ تۇسكەن ساۋالدارىنا جەدەل دەن قويۋ، جوعارى
ورتالىقتاندىرىلماعان جۇيەدەن «تومەننەن-جوعارى» پرينتسيپىنە كوشۋ،
مەملەكەتتىڭ حالىقپەن ەلەكتروندىق فورماتتا ءوزارا ءىس-قيمىلى بويىنشا
«بىرىڭعاي تەرەزە» قۇرۋ، مەملەكەتتىك ورگانداردىڭ اشىق وتىرىستارىن
ونلاين-ترانسلياتسيالاۋ، اشىقتىقتىڭ ۆەدومستۆولىق جوسپارلارىن ازىرلەۋ
جانە بەكىتۋ، مەملەكەتتىك ورگانداردىڭ اشىقتىعى مادەنيەتىن
قالىپتاستىرۋ، الەۋمەتتىك ساۋالناما جۇرگىزۋ سياقتى تاسىلدەردى
ۇسىنامىز»، - دەپ اتاپ ءوتتى اقپاراتقا قول جەتكىزۋ سالاسىنداعى مەملەكەتتىك
ساياسات دەپارتامەنتىنىڭ ديرەكتورى بەكزات راقىموۆ.

مينيسترلىكتىڭ وكىلدەرى ۇسىنعان تاسىلدەر جۇمىس توبىنىڭ مۇشەلەرى
تاراپىنان قولداۋ تاپتى. سونىمەن قاتار، قاتىسۋشىلار «حالىق ۇنىنە قۇلاق
اساتىن مەملەكەت» تۇجىرىمداماسىنا ارنالعان تاسىلدەردى تولىقتىرۋ
ماقساتىندا بويىنشا مىناداي ۇسىنىستار ايتتى.

پارلامەنت ءماجىلىسىنىڭ دەپۋتاتى سەرىك سەيدۋمانوۆ بۇل تۇجىرىمداما
قوعامنىڭ بارلىق سالالارىن قامتۋى كەرەك ەكەنىن اتاپ ءوتتى.
«حالىقپەن كەرى بايلانىس ماسەلەلەرىن شەشۋ، بۇلاردىڭ ءبارى دۇرىس،
بىراق جالپى ەلدەگى جاعدايعا مونيتورينگ جۇرگىزۋ، پروبلەمالى ايماقتاردى

انىقتاۋ قاجەت. ەلدىڭ ەرەكشەلىگىن ەسكەرە وتىرىپ، مەملەكەتتىك باسقارۋ
جۇيەسىن جەتىلدىرۋ جانە مەملەكەتتىك قىزمەتشىلەردىڭ كاسىبيلىگىن ارتتىرۋ
تالاپ ەتىلەدى» - دەپ اتاپ ءوتتى سەرىك سەيدۋمانوۆ.

«تالاپ» قولدانبالى زەرتتەۋلەر ورتالىعى» قوعامدىق قورىنىڭ
ديرەكتورى راقىم وشاقباەۆ تۇجىرىمدامادا جاڭا ترەندتى - مەملەكەتتىڭ
رەسپونسيۆتىلىگىن تەرىس پايدالانۋدى كورسەتۋدى، سونداي-اق تۇجىرىمدامانى
ازىرلەۋ كەزىندە «Open Government Partnership» ءادىسناماسىن پايدالانۋدى
ۇسىندى.

«مەملەكەتتىڭ تۇرعىنداردىڭ پىكىرىن ەلەمەۋىنە- ادامداردىڭ وزدەرىنىڭ
بەلسەندى بولماۋى اسەر ەتەدى. حالىقتى ەكونوميكالىق قاۋىمداستىقتارعا
بىرىگۋگە ۇيرەتۋ قاجەت. سونداي – اق، (انىقتاما: Key Performance Indicator-
تيىمدىلىكتىڭ نەگىزگى كورسەتكىشى) مەملەكەتتىك ورگانداردىڭ حالىقپەن ءوزارا
ءىس-قيمىلىنىڭ KPI جۇيەسىن ەنگىزۋ قاجەت» - دەپ اتاپ ءوتتى قازىبەك شايح.
بۇدان بولەك، «Internews Kazakhstan» ۇيىمىنىڭ زاڭگەرى ولگا
ديدەنكو ۇيىم اتالعان تۇجىرىمدامانى ازىرلەۋدە مەملەكەتتىك ورگانداردىڭ
مەديا سالاسىمەن ءوزارا ءىس-قيمىلى بولىگىندە قولداۋ كورسەتۋگە دايىن ەكەنىن
اتاپ ءوتتى.

حالىقارالىق كوممەرتسيالىق ەمەس قۇقىق ورتالىعىنىڭ ورتالىق
ازياداعى قۇقىقتىق ورتانى جەتىلدىرۋ باعدارلاماسىنىڭ جەتەكشىسى گۇلميرا
كۋجۋكەەۆا تۇجىرىمدامانى ىسكە اسىرۋ ءۇشىن زاڭناماعا وزگەرىستەر ەنگىزۋ
قاجەتتىگىن اتاپ ءوتتى. ونىڭ ايتۋىنشا، «حالىق ۇنىنە قۇلاق اساتىن مەملەكەت»
قىزمەتتىڭ اشىقتىعىنا نەگىزدەلگەن، ءبىرىنشى كەزەكتە «اكىمشىلىك قۇقىق
بۇزۋشىلىق تۋرالى» كودەكسكە جانە «اقپاراتقا قول جەتكىزۋ تۋرالى» زاڭعا
ءتيىستى وزگەرىستەر ەنگىزۋ قاجەت.

جۇمىس توبىنىڭ مۇشەلەرى تۇجىرىمدامادا قوعامدىق كەڭەستەر مەن
جەرگىلىكتى ءوزىن-ءوزى باسقارۋ ورگاندارىنىڭ ء(ماسليحاتتاردىڭ) ءرولىن كورسەتۋ
قاجەتتىگىن اتاپ ءوتتى.

وتىرىس قورىتىندىسى بويىنشا قاتىسۋشىلار جۇمىس توبىنىڭ
وتىرىستارىن تۇراقتى تۇردە وتكىزۋ تۋرالى شەشىم قابىلدادى.
ايتا كەتۋ كەرەك، «حالىق ۇنىنە قۇلاق اساتىن مەملەكەت» – بۇل بارىنشا
اشىق جانە ەسەپتى مەملەكەتتى قالىپتاستىرۋ. سوندىقتان تۇجىرىمدامانى
ازىرلەۋ بارىسىندا ءبىرىنشى كەزەكتە، حالىقتىڭ پىكىرى بارىنشا ەسكەرىلۋى ءتيىس.

Abai.kz