ەڭ ۇلكەن قاتەلىك ۇكىمەتىمىزدەن باستاپ، ءماجىلىس، سەناتقا دەيىن، بارلىق مينيسترلىكتەر ءالى كۇنگە دەيىن ورىسشا شۇلدىرلەيدى. 30 جىلدا ءتىلىمىزدى تۇعىرلى ورنىنا شىعارا المادىق.

ەلوردادان باستاپ كوپشىلىك قالا جاستارى قازاق بولا تۇرا ءبىر-بىرىمەن ورىسشا سويلەسەدى. ءتىپتى وسى موداعا اينالدى. ولار قازاقشا بىلمەگەنى ءۇشىن ۇيالمايدى، قىسىلمايدى. كەرىسىنشە ورىسشاسى شالالار وزدەرىن ىڭعايسىز سەزىنەدى. ءتىپتى تومەن سانايتىن جاعدايدا. احۋال وسىلاي بولا تۇرا وزگە ۇلتتاردىڭ جاپپاي قازاقشا سويلەۋىن تالاپ ەتۋىمىز قانشالىق دۇرىس؟! وزىمىزگە قاجەت بولماعان ءتىل باسقاعا كەرەك پە؟

مەملەكەتتىك قىزمەتكە تەك قازاق ءتىلىن جەتىك مەڭگەرگەندەردى عانا الۋ كەرەك. پرەزيدەنت باستاماسىمەن جاساقتالعان رەزەرۆتىك 300 كادر ىرىكتەلدى. بىراق تاعى دا قازاق ءتىلىن ءبىلۋ تالابى جوق. ءتىل بولماعان جەردە ۇلتتىق يدەولوگيا تۋرالى ءسوز قوزعاۋ ءوزىمىزدى الداۋ. بوس اۋرەشىلىك!

قايرات جولدىبايۇلىنىڭ الەۋمەتتىك جەلىدەگى جازباسىنان

Abai.kz