مەملەكەت باسشىسى قاسىم-جومارت توقاەۆ قازاقستان حالقى اسسامبلەياسى توراعاسىنىڭ ورىنباسارى جانسەيىت تۇيمەباەۆتى قابىلدادى. بۇل تۋرالى اقوردانىڭ رەسمي سايتى جازدى. 

قاسىم-جومارت توقاەۆقا ۇكىمەتتىك كوميسسيانىڭ جامبىل وبلىسى قورداي اۋدانىنداعى ماسانشى، قاراكەمەر، سورتوبە، اۋقاتتى جانە باسقا دا اۋىلداردىڭ تۇرعىندارىمەن وتكىزگەن كەزدەسۋ قورىتىندىسى بويىنشا مالىمەت بەرىلدى.

قازاقستان پرەزيدەنتى ەلدەگى تۇراقتىلىقتى، ۇلتتار مەن ەتنوستار اراسىنداعى بىرلىك پەن ىنتىماقتاستىقتى ساقتاۋعا باعىتتالعان شارالار قابىلداۋ ءۇشىن بىرقاتار ناقتى تاپسىرما بەردى.

كەزدەسۋ بارىسىندا جامبىل وبلىسىنداعى دۇنگەن قاۋىمىنىڭ جەرگىلىكتى قازاق قاۋىمداستىعىمەن ارالاسۋىنا، قازاق ءتىلىن ۇيرەنۋىنە، مەملەكەتتىك ورگاندارعا قۇرمەتپەن قاراۋىنا قاتىستى ماسەلەلەرگە باسا ءمان بەرىلدى.

Abai.kz