"قازىر ءبىز كۇنىنە ميلليونداعان جالعان اككاۋنتتى ءوشىرىپ جاتىرمىز. كوبى تىركەلگەننەن كەيىن بىرنەشە مينوتتەن سوڭ بىلىنەدى. ولاردىڭ كوبى سايلاۋعا ىقپال ەتۋگە تىرىساتىن مەملەكەتتىك سۋبەكتىلەرگە قاتىسى جوق. ولار ءارتۇرلى ءىس جاساۋدى كوزدەيتىن سپامەرلەر جانە ادامدار. بىراق البەتتە بىرقاتارى – بيلىك كامپانيالارىنىڭ ءبىر بولىگى", – دەدى ول ميۋنحەندە وتكەن قاۋىپسىزدىك بويىنشا كونفەرەنتسيادا.

ونىڭ سوزىنشە، Facebook 2016 جىلى اقش-تا وتكەن سايلاۋداعى جانجالدان كەيىن قولدانۋشىلاردىڭ بەلسەندىلىگىنە باقىلاۋ جۇرگىزۋ ساياساتىن جانە الگوريتىمىن وزگەرتكەن. وندا رەسەي سايلاۋ كامپانياسىنا ارالاستى دەپ ايىپتالعان. بۇل ءىس بويىنشا تسۋكەربەرگ كونگرەسستە كۋاگەرلىك ەتكەن.

تسۋكەربەرگ وسىعان دەيىن مالىمدەگەندەي، 2016 جىلدان بەرى Facebook جارناما ساياساتىن وزگەرتكەن. ساياسي جارناما بەرۋدى قالاعان ءاربىر قولدانۋشى رۇقسات الىپ، جەكە مالىمەتتەرىن جانە جۇمىس ىستەيتىن جەرىن جازۋى ءتيىس. قولدانۋشىلار جارناما ءۇشىن كىم اقشا تولەگەنىن كورە الادى.

Abai.kz