«سەندەردە كوپ ۇلت، ەتنوس ەمەس، قازاق حالقى عانا بار» دەدى
UCL ۋنيۆەرسيتەتىندە تىلدىك كۋرستان ءوتىپ جۇرگەندە مايلس مۋنەي دەگەن مۇعالىم بولدى. قاريا كىسى ەدى. لوندونداعى كوپ بولاشاق تۇلەگى جاقتىرمايتىن. بىراق مەن ءبىراز نارسە ۇيرەندىم ول كىسىدەن. ءتىلدى عانا ەمەس، تانىمدىق تۇرعىدان دا.
بىردە ساباقتا اركىم ءوز ەلى تۋرالى ايتىپ بەردى. كەزەك قازاقتارعا كەلدى. ماقتانىپ جاتىرمىز. استانانى ايتتىق، مەدەۋ، شىمبۇلاق، بۋراباي دا الەمدەگى ەڭ كەرەمەت جەر اتاندى. كوپۇلتتى ەكەنىمىزگە، 130 ۇلت تاتۋ-ءتاتتى ءومىر ءسۇرىپ جاتقانىمىزعا ماقتاندىق.
وسى ساتتە مايلس "كوپۇلتتىمىز دەيسىڭدەر. ساناڭدارشى، ال" دەدى. سودان باستادىق. جابىلىپ ءجۇرىپ 30-عا ارەڭ جەتتىك. قالعانىن بىلمەيدى ەكەنبىز. سوندا مايلس مىرزانىڭ ايتقانى مىناۋ بولدى:
"لوندوندا سەندەر ساناپ بەرگەننەن دە كوپ ۇلتتىڭ وكىلى بار. ءتىپتى، سەندەردە جوق ەتنوستار دا وسىندا مەكەندەيدى. ءبىز بىراق كوپۇلتتىمىز دەپ ايتپايمىز. ويتكەنى ەتنوستىڭ ساناۋلى وكىلى حالىقتىڭ تۇتاس ءبىر بولىگى سانالادى. سەندەردە كوپ ۇلت، ەتنوس ەمەس، قازاق حالقى عانا بار" دەدى.
مايلس مىرزانىڭ وسى ءسوزىن ەشقاشان ۇمىتپايتىن شىعارمىن.
اباي وتاردىڭ الەۋمەتتىك جەلىدەگى جازباسىنان
Abai.kz
