ەڭ قورقىنىشتىسى - بۇل ۆيرۋستىڭ وزگە ەلدەگى قارقىنىنىڭ دا ۋشىعۋى، قىتايدان كەيىن ەڭ اۋىر ەل - يراندا 19 ادام، ودان كەيىن وڭتۇستىك كورەيا 12, يتاليادا 11 ادام قايتىس بولدى. سولتۇستىك كورشىمىز رەسەيدە 2 ادام جۇقتىرعان، ەكەۋى دە امان.

كۇننەن كۇنگە ەمدەلىپ شىققاندار سانى كوبەيۋدە، بىراق، تارالۋى تەز. بىزگە جەتپەۋىنە بارلىق ساقتىقتى كۇشەيتۋ كەرەك. وتە كوپ ادام توپتاسىپ توي جاساۋ سەكىلدى شارالارعا تىيىم سالۋ، ازىق-تۇلىكتى قاتاڭ تەكسەرۋگە الۋ اسا ماڭىزدى. شەتتەن ازىق-تۇلىك كىرگىزۋگە ءتىپتى بولمايدى. وسىعان دەيىن وسى ۆيرۋسقا ساقتىققا بولىنگەن ەكى ميلليارد تەڭگە تاۋسىلعانى تۋرالى ايتىلدى. ارينە، مۇنداي ۆيرۋستى زەرتتەۋ جانە ساقتانۋ ءۇشىن ەكى ميلليارد تەڭگە جىرتىققا جاماۋ بولماسى انىق. بىراق، بىزدە "توپالاڭدا توقاش ۇرلاۋ" جولى جاقسى دامىعان، وسى ءىستى جەلەۋ ەتىپ، اقشا جىمقىرۋعا جول بەرمەۋ كەرەك.

ا، توپالاڭدا توقاش ۇرلاۋ دەمەكشى، ۆيرۋستىڭ اسەرىنەن قىتاي ەلى ءبىر ايدان استام بۇكىل جۇمىستى توقتاتىپ، بۇكىل حالىقتى ۇيىندە، پاتەرىندە، اۋلاسىندا قاماپ ۇستاپ وتىر، بۇل قىتايدىڭ ىشكى ءوندىرىسىن، اينالىمىن كۇيرەتتى. زات باعاسى وتە جوعارى دارەجەدە كوتەرىلگەن. ۆيرۋستان ساقتانعان الەمنىڭ ءبىراز ەلى، قىتايمەن ارا-قاتىناسىن ۋاقىتشا ءۇزدى. قىتايدان تاۋار كىرگىزۋدى توقتاتتى. ءدال وسى ءىستى، قىتايمەن باسەكەلەس ەلدەر ءوز پايداسىنا جاراتىپ جاتىر. تۇركيا، وزبەكستان ەلدەرى ءوزىنىڭ تاۋار ەكسپورتىن سوڭعى ايدا 2-3 ەسەگە كوتەرىپ وتىر. ءبىز شە، ءبىز دە قىتايمەن باسەكەلەس، ەكسپورتقا شىعاراتىن تاۋار بار ما ەدى؟ ول ارينە سۇراق!

اياتجان احمەتجانۇلىنىڭ الەۋمەتتىك جەلىدەگى جازباسىنان

Abai.kz