1. «جاس مامان» قوعامدىق بىرلەستىگى قاشاننان بەرى جۇمىس ىستەپ كەلەدى؟ سىزدەرمەن تاجىريبە الماسۋدىڭ جولى قانداي؟
- «جاس مامان» قب بيىلعى جىلدان بەرى جۇمىس ىستەپ كەلەدى. مەنىمەن مىناداي e.1985@alageum.com ەلەكتروندىق ادرەسپەن حابارلاسا الاسىز. ۇسىنىس-پىكىرلەرىڭىز بولسا، وسىندا جولداۋلارىڭىزعا بولادى.

2. جاپ-جاس جىگىت ەكەنسىز. ۇلكەن ءىس باستاعانىڭىز كورىنىپ تۇر. ءوزىڭىز تۋرالى، وتباسىڭىز جايلى ايتىپ وتسەڭىز. قاي جاقتانسىز؟ قايدا ءبىلىم الدىڭىز؟
ءلاززات ارشىنباەۆا، كوكشەتاۋ قالاسى
- تۋعان جەرىم - وقو، تۇركىستان قالاسى. 1985 جىلى تۋدىم. الماتى ەنەرگەتيكا جانە بايلانىس ينستيتۋتىن ءبىتىردىم. ۇيلەنگەنمىن. ۇلىم بار. اكە-شەشەممەن بىرگە تۇرامىز.

3. ءسىز «كەنتاۋ ترانسفورماتور زاۋىتى» اق-نىڭ ۆيتسە-پرەزيدەنتى ەكەنسىز. وتىزعا تولماي وسىنداي ۇلكەن قىزمەتكە قول جەتكىزۋدىڭ قانداي قۇپياسى بار؟ ايبەك، استانا

1. «جاس مامان» قوعامدىق بىرلەستىگى قاشاننان بەرى جۇمىس ىستەپ كەلەدى؟ سىزدەرمەن تاجىريبە الماسۋدىڭ جولى قانداي؟
- «جاس مامان» قب بيىلعى جىلدان بەرى جۇمىس ىستەپ كەلەدى. مەنىمەن مىناداي e.1985@alageum.com ەلەكتروندىق ادرەسپەن حابارلاسا الاسىز. ۇسىنىس-پىكىرلەرىڭىز بولسا، وسىندا جولداۋلارىڭىزعا بولادى.

2. جاپ-جاس جىگىت ەكەنسىز. ۇلكەن ءىس باستاعانىڭىز كورىنىپ تۇر. ءوزىڭىز تۋرالى، وتباسىڭىز جايلى ايتىپ وتسەڭىز. قاي جاقتانسىز؟ قايدا ءبىلىم الدىڭىز؟
ءلاززات ارشىنباەۆا، كوكشەتاۋ قالاسى
- تۋعان جەرىم - وقو، تۇركىستان قالاسى. 1985 جىلى تۋدىم. الماتى ەنەرگەتيكا جانە بايلانىس ينستيتۋتىن ءبىتىردىم. ۇيلەنگەنمىن. ۇلىم بار. اكە-شەشەممەن بىرگە تۇرامىز.

3. ءسىز «كەنتاۋ ترانسفورماتور زاۋىتى» اق-نىڭ ۆيتسە-پرەزيدەنتى ەكەنسىز. وتىزعا تولماي وسىنداي ۇلكەن قىزمەتكە قول جەتكىزۋدىڭ قانداي قۇپياسى بار؟ ايبەك، استانا

- ەشقانداي قۇپياسى جوق. تەك قانا جۇمىس جاساۋ كەرەك. ءوزىم جۇمىستى 1 كۋرستا وقىپ جۇرگەندە باستاپ كەتتىم. جاز ايلارىندا بارلىق ستۋدەنتتەر دەمالىپ جۇرگەندە مەن وندىرىستە جۇمىس جاسايتىنمىن. 5 جىل بويى وقۋدان تىس ۋاقىتتاردا تۇراقتى تۇردە كەنتاۋ ترانسفورماتور زاۋىتىنىڭ الماتىداعى «كازترانسفورماتور» كومپانياسىندا جۇمىس ىستەدىم. وقۋدى بىتىرىسىمەن كەنتاۋ ترانسفورماتور زاۋىتىنا بىردەن ەلەترومونتاجنيك بولىپ جۇمىسقا ورنالاستىم. ءسال كەيىنىرەك كونسترۋكتور-تەحنيكالىق بولىمىنە كونسترۋكتور مامانى بولىپ جوعارىلادىم. ينستيتۋتتا قورعاعان «35-110 كۆ ترانسفورماتورلارىن جاساۋ» ديپلوم تاقىرىبىن زاۋىت باسشىلىعىنا ۇسىنىپ، 2008 جىلى سول جوبانىن جەتەكشىسى بولدىپ تاعايىندالدىم. 1 جىل كولەمىندە جوبا بويىنشا 35-110 كۆ ترانسفورماتورلارىن جاساۋ تسەحىنىن قۇرىلىسىن ءبىتىرىپ، زاۋىتتىڭ 50 جىلدىعى قارساڭىندا ىسكە قوسىپ، اشىلۋىن قاماتاماسىز ەتتىك. سودان كەيىن 2010 جىلى مەنى زاۋىت باسشىلىعى «الاگەۋم ەلەكتريك» باسقارۋ كومپانياسىنىڭ ۆيتسە-پرەزيدەنتى ەتىپ تاعايىندادى. سوندىقتان دا مۇندا ەشقانداي قۇپيا جوك. تەك قانا العا ماقسات قويىپ، سول ماقساتكا جەتۋ ءۇشىن ۇمتىلدىم. بۇگىنگى تاڭدا «الاگەۋم ەلەكتريك» كومپانياسىندا 3000-عا جۋىق ادامدار جۇمىس جاساپ جاتىر.

4. تۇرىڭىزگە قاراساق جاپ-جاسسىز، ءسىز باسقاراتىن "جاس مامان" قوعامدىق بىرلەستىگى قانداي جۇمىستار اتقاردى؟ جاستارعا قانداي كومەك كورسەتە الدى

- مەن زاۋىتتا جۇمىس جاساپ جۇرگەندە 1200 ادامنىڭ 40 پايىزى جاستار بولاتىن. سول جاستاردىڭ ىشىنەن بەلسەندىلەرىن تەرىپ الىپ، «جاس ماماندار كلۋبىن» قۇردىم. ەڭ اۋەلى سول كلۋبتىڭ قارجىلاندىرۋ ماسەلەسىن شەشتىم. زاۋىتتىڭ اتىنان اي سايىن 100 000 تەڭگە ءبولىنىپ وتىردى. ودان باسقا زاۋىتتىڭ جاستارى وتباسىن قۇرسا، 500 000 تەڭگە، جوعارعى وقۋ ورنىن ۇزدىك نەمەسە جاقسى بىتىرسە، 200 000 تەڭگەگە دەيىن الىپ وتىردى. اعىلشىن ءتىلىن بىلگەن ازاماتتاردىڭ جالاقىسىنا 20 پايىز ۇستەمە اقشا تولەندى. ورتالىقتان نەمەسە باسقا قالالاردان كەلگەن جاستارعا ءۇي-پاتەر بەرىلىپ، باستاپقى جالاقىلارىن 60 000 تەڭگەدەن جوعارى قويىپ، وسىنداي ماسەلەلەردى كلۋبتىڭ اتىنان شەشتىك. ەندى وسىنداي كلۋبتار تەك قانا بىزدە ەمەس، ەلىمىزدەگى بارلىق ءوندىرىس سالاسىنداعى جاستاردى دا قامتىسا دەگەن نيەتپەن «جاس مامان» قب قۇرىپ وتىرمىز. بۇل قب-ءتىڭ ماقساتى جاستاردىڭ الەۋمەتتىك جاعدايىن جاقسارتىپ، جۇمىسپەن قامتاماسىز ەتىپ، ەلىمىزدىڭ بيزنەسمەندەرىنىڭ جاستارعا دەگەن كوزقاراسىن وزگەرتىپ، رەسپۋبليكالىق دەڭگەيگە كوتەرۋ.

5. http://www.namys.kz/?p=5919 وسى حاتقا كوزقاراسىڭ قالاي؟
- قازاقتىڭ ءوزىنىن ءداستۇرلى يسلامى بار. مەن قاسيەتتى تۇركىستاندا تۋىلعاندىقتان قازاقى رۋحپەن تاربيەلەنگەنمىن. سوندىقتان دا ءبىز قازاقتىن ءداستۇرلى يسلامىن ۇستاۋىمىز كەرەك. اسىرە دىنشىلدىككە مەن قارسىمىن.

6. مەن دە زاۋىتتا جۇمىس ىستەيمىن. كەيدە جۇمىستى قازاقشا جۇرگىزۋ ءۇشىن تەرميندەردى اۋدارا الماي قينالامىز. ەرەكە، سىزدەر وسى ماسەلەنى قالاي شەشتىڭىزدەر نەمەسە قالاي شەشۋگە بولادى؟ سالەممەن نۇرلان اتىراۋدان
- مەن بۇل سۇراققا تومەندە جاۋاپ بەردىم

7. قانشا ادامعا جۇمىس تاۋىپ بەرىپ وتىرسىز؟
- ءسىزدىڭ سۇراعىڭىزعا جوعارىدا جاۋاپ بەردىم

8. پىكىرىن: "اقىل - جاستان، اسىل - تاستان" دەپ باستاعان مەيماندى قولدايمىن. "اباي.كز" سايتى اشىلعانىنان بەرى دە ومىرلىك ماسەلەلەردى ورىندى تولعاعان كوپ اڭگىمە جاسادى. ينتەرنەت-كونفەرەنتسياسىنان دا وقىپ-ءبىلىپ ءجۇرمىز. وسى ورايداعى ويىم: سايتتا نەندەي ماسەلە كوتەرىلسىن، كىم ءسوز السىن، وعان بارشامىز جەكە باسىمىزدىڭ ەمەس، بارىمىزگە ورتاق قوعامدىق جانە حالىقتىق مۇددەنىڭ تۇرعىسىنان قاتىسىپ، ەكى جاققا بىردەي پايدالى ءتۇيىن جاساۋىمىز كەرەك. ال كەيبىر اعايىنداردىڭ جەڭىل-جەلپى قاراپ، اۆتورعا، ءتىپتى ونىڭ وتباسىنا كەكەسىن، مۇقاتۋ ءسوز ايتۋى بولادى. وتە ىڭعايسىز ءجايت. مەن بىردە سايت باسشىلارىنا وسىنى ايتىپ، سايتتىڭ بەتاشارىنا: "ادامنىڭ ار-نامىسىنا ءتىل تيگىزگەن پىكىرلەردى جاريالامايمىز" دەپ جازىپ، سولاي ىستەسەڭدەر ەكەن" دەدىم. ولار ءجون كوردى، مۇمكىندىگىنشە ەسكەرەتىن بولدى. سايت اڭگىمەسىنىڭ سىپايى بولۋىنا جەتىسەتىن شىعار. ءبىز ءوزىمىز سىپايىلىق جاساۋمەن كومەكتەسۋىمىز كەرەك. بۇل سايتتىڭ نەبىر كەلەلى، كۇردەلى تاقىرىپتاردى قامتي ۇلكەن جۇمىس جۇرگىزىپ كەلە جاتقانى، مىسالى، مەنى قۋانتىپ ءجۇر. مۇنداي سەزىم سىزدەردە دە بارى ءسوزسىز دەپ بىلەم، ەندەشە، باسشىلارىنا ءسال-ءپال رەنىش بولا قالعاندا بەتالدى سوكپەيىك، تىلدەمەيىك، دوستىق ەسكەرتۋمەن شەكتەلەيىك. بىزگە بۇل سايت مول قىزمەت ىستەپ وتىرعانىن ۇمىتپايىق. كەيبىر ءباسپاسوز تىلشىلەرى وسى سايت تۋرالى پىكىر سۇراعاندا ءادىل سويلەيىك. ال تىلشىلەردىڭ قايسىبىرىندە جۋرناليستيكا مادەنيەتى جەتپەي جاتادى. سۇحبات بەرۋشىنىڭ ادەتتە ول ءتىلشىنىڭ ويىندا بولۋى ءۇشىن عانا ايتاتىن، باسپاسوزىنە بەرۋدىڭ كەرەگى جوق پىكىرلەرى بولادى، سونى ايىرمايدى دا، وزىنە عانا ايتقان سىرىڭدى وزگەلەرگە دابىرايتا جايىپ سالاتىنى بولادى. جالپى ءتىلشى-جۋرنالشى سۇحباتتىڭ باس-اياعىن جيعان سوڭ ونى سۇحبات بەرۋشىگە وقىتىپ، كەلىسىمىن الۋى شارت. وسىنى ەسكەرمەيتىندەر بار. مىنا ەركەبۇلان دا بىزبەن سۇحبات جاساماق جاقسى نيەت بىلدىرگەن ەكەن، ءبىز بۇل جاپ-جاس باسشىنىڭ جاۋاپتارىن تۇسىنە قابىلدالىق، الداعى جۇمىسىنا جاردەم بولارلىق پىكىر قوسالىق. ال مەنىڭ سۇراعىم (تىم اقىلدىمسىپ كەتكەنىم ءۇشىن ەركەبۇلاننان، بارشالارىڭنان كەشىرىم سۇرايمىن): ەركەبۇلان، بىزدەگى بيزنەس قازاق تىلىنە كوشۋى كەرەك، قازاق ءتىلىنىڭ مەملەكەتتىك دارەجەسىن كوتەرۋگە سوندا مول كومەك بولادى، دۇرىس پا؟ بۇل باعىتتا ءوز تاراپىڭنان نە ىستەدىڭ؟ سالەممەن، - عابباس قابىشۇلى.

- قۇرمەتتى عابباس اعا! ءسىزدىڭ وسى كونفەرەنتسياعا دەن قويىپ، ىنتا-ىقىلاس تانىتقانىڭىز ءۇشىن العىسىمدى ايتامىن. ءسىز ءتارىزدى اعا بۋىن وكىلدەرىنىڭ ينتەرنەتكە دەن قويۋى ءبىزدى قۋانتادى. ءسىزدىڭ ىقىلاسىڭىزدى كورىپ ءوزىم دە قۋانىپ قالدىم.
مەن ءوز تاراپىمنان باسشىلىققا ۇسىنىس ەنگىزىپ، ولاردان قولداۋ الىپ، كومپانيانىڭ بارلىق قۇرىلىمدىق بولىمشەلەرى بويىنشا ءىس-قاعازداردى مەملەكەتتىك تىلدە جۇرگىزۋدى باستادىق. ءوندىرىستىڭ، عىلىم مەن تەحنيكاعا بايلانىستى ءىس-قاعازدارىن مەملەكەتتىك تىلدە جۇرگىزۋدىڭ وڭاي ەمەستىگىن ءبىز جاقسى تۇسىنەمىز. بىراق مۇنى ەرتە مە، كەش پە ءبارىبىر باستاۋىمىز كەرەك قوي. بولاشاقتا بۇل سالالاردا قازاقشا-ورىسشا سوزدىكتەر كوپتەپ شىعارىلادى دەپ ويلايمىن. قازاق ءتىلى قالاي بولعاندا دا مەملەكەتتىك ءتىل رەتىندەگى ءوزىنىڭ مارتەبەسىن تولىق دەڭگەيدە الۋى كەرەك.
مەن قازاق بولعاندىقتان ارينە قازاق ءتىلىن دامىتۋىم كەرەك. قازاق ءتىلى بىرىنشىدەن، بيزنەس ءتىلى بولۋ كەرەك. ەكىنشىدەن، عىلىمي-تەحنيكالىق دامۋعا سايكەس بولۋ كەرەك. ءبىزدىڭ «جاس مامان» قب وسى باعىتتا جۇمىس ىستەيتىن بولادى.

(جالعاسى بار)