ساباق اياقتالىپ، قۇربىلارىممەن «ءدامدى لاعمان جەيىكشى» دەپ تيميريازەۆ كوشەسىنىڭ بويىندا ورنالاسقان لاعمانحاناعا باردىق. جول-جونەكەي قىزدار بۇل اسحانانى ادبەن ماقتاپ كەلدى. راسىندا دا لاعماندارى ءدامدى ەكەن. داستارقان باسىندا وتىرىپ، ءار ءتۇرلى تاقىرىپقا دا قوزعاۋ سالدىق. ءسوز اراسىندا قۇربىم نازيرا: «قىزدار، «ستراشنو كراسيۆ» كينوسىن كوردىڭدەر مە؟ ول وسى جازدا پروكاتقا شىعۋ كەرەك ەدى. بىراق، نەگە ەكەنىن بىلمەيمىن، شىقپادى. عالامتوردان ىزدەپ، تاۋىپ الدىم دا، ەسىم كەتكەنشە تاماشالادىم. وتە قىزىق. كورگىلەرىڭ كەلسە، بەرەيىن»، - دەدى. ءبىز ءوزارا كەلىستىك. كەنەت، نازيرا: «قىزدار، سەندەردىڭ ەڭ سۇيىكتى كوركەم فيلمدەرىڭ قانداي؟»، - دەگەن سۇراق قويدى دا بىزدەن شاپشاڭ جاۋاپ كۇتەتىنىن اڭعارتتى. ءبىز ءبىر مينۋتتاي ويلانىپ بارىپ، 40-50-گە جۋىق كينونىڭ اتىن اتاپ شىقتىق-اۋ... ءتىپتى، بەينە ءبىر كينو سىنشىلارى نەمەسە بىلگىرلەرى سياقتى جان-جاقتى تالداپ، اكتەرلەردىڭ شەبەرلىگى جايىندا ايتىلعان جارىسپالى «ينديۆيد» ويلارىمىز دا اڭگىمەنى ودان ءارى قىزدىردى. بىرەۋىمىز ەڭ جاقسى كوركەم فيلمدەر قاتارىنا «سۋمەركي»، «دياۆول نوسيت پرادا»، «لەگەندى وسەني»، «دنەۆنيك پامياتي»، «چەرنىي لەبەد»، «ميلىە گوستي»، «زاگادوچنايا يستوريا بەنجەمەنا باتتونانى» جاتقىزساق، ەكىنشىمىز «ەششە ودنا يز رودا بولەين»، «ترويا»، «يگرى رازۋما»، «نا دنە»، «دوبروە ۋترو» فيلمدەرىن تىزبەكتەي جونەلدىك. ارتىق ۋاقىت بەرىلسە، بۇل ءتىزىم جالعاسار-اق ەدى... «ءيا، ءيا...

ساباق اياقتالىپ، قۇربىلارىممەن «ءدامدى لاعمان جەيىكشى» دەپ تيميريازەۆ كوشەسىنىڭ بويىندا ورنالاسقان لاعمانحاناعا باردىق. جول-جونەكەي قىزدار بۇل اسحانانى ادبەن ماقتاپ كەلدى. راسىندا دا لاعماندارى ءدامدى ەكەن. داستارقان باسىندا وتىرىپ، ءار ءتۇرلى تاقىرىپقا دا قوزعاۋ سالدىق. ءسوز اراسىندا قۇربىم نازيرا: «قىزدار، «ستراشنو كراسيۆ» كينوسىن كوردىڭدەر مە؟ ول وسى جازدا پروكاتقا شىعۋ كەرەك ەدى. بىراق، نەگە ەكەنىن بىلمەيمىن، شىقپادى. عالامتوردان ىزدەپ، تاۋىپ الدىم دا، ەسىم كەتكەنشە تاماشالادىم. وتە قىزىق. كورگىلەرىڭ كەلسە، بەرەيىن»، - دەدى. ءبىز ءوزارا كەلىستىك. كەنەت، نازيرا: «قىزدار، سەندەردىڭ ەڭ سۇيىكتى كوركەم فيلمدەرىڭ قانداي؟»، - دەگەن سۇراق قويدى دا بىزدەن شاپشاڭ جاۋاپ كۇتەتىنىن اڭعارتتى. ءبىز ءبىر مينۋتتاي ويلانىپ بارىپ، 40-50-گە جۋىق كينونىڭ اتىن اتاپ شىقتىق-اۋ... ءتىپتى، بەينە ءبىر كينو سىنشىلارى نەمەسە بىلگىرلەرى سياقتى جان-جاقتى تالداپ، اكتەرلەردىڭ شەبەرلىگى جايىندا ايتىلعان جارىسپالى «ينديۆيد» ويلارىمىز دا اڭگىمەنى ودان ءارى قىزدىردى. بىرەۋىمىز ەڭ جاقسى كوركەم فيلمدەر قاتارىنا «سۋمەركي»، «دياۆول نوسيت پرادا»، «لەگەندى وسەني»، «دنەۆنيك پامياتي»، «چەرنىي لەبەد»، «ميلىە گوستي»، «زاگادوچنايا يستوريا بەنجەمەنا باتتونانى» جاتقىزساق، ەكىنشىمىز «ەششە ودنا يز رودا بولەين»، «ترويا»، «يگرى رازۋما»، «نا دنە»، «دوبروە ۋترو» فيلمدەرىن تىزبەكتەي جونەلدىك. ارتىق ۋاقىت بەرىلسە، بۇل ءتىزىم جالعاسار-اق ەدى... «ءيا، ءيا... بۇل كينو سۋپەر!» نەمەسە «وي، قويشى، ءتىپتى قىزىق ەمەس»،- دەپ وزىمىزشە، پىكىر تالاسقا تۇستىك. ودان قالسا، «وتچاياننىە دوموحوزيايكي»، «سەكس ۆ بولشوم گورودە» اتتى سەريالداردى تالقىلاعانىمىز-دى كورسەڭىزدەر عوي، قايناۋدا بۇرقىلداعان بولات سەكىلدىمىز. «مەن «گارري پوتتەرمەن» ءوستىم. بالا كەزىمدە بۇل كىتاپتى 
جاستانىپ وقيتىنمىن. مىنە، بيىل پوتتەردىڭ سوڭعى بەسىنشى ءفيلمى دە پروكاتقا شىقتى. مەن دە ەسەيدىم...»، - دەپ قۇربىم ازداپ مۇڭايدى، ازداپ نازداندى. مولدىرەگەن كوزىنەن بالالىقتىڭ لەبى سەزىلدى وسى سوزدەردى ايتقاندا. ۇيگە بارعان سوڭ بۇل جايلى ءبىراز ويلاندىم. مەن دە وسى ءفيلمدى كورىپ ءوستىم عوي. بىراق نازيرا سەكىلدى «مەن «گارري پوتتەرمەن» ءوستىم» دەگەن وي ماعان مۇلدە كەلمەپتى. راسىندا دا دجوان روۋلينگتىڭ «گارري پوتتەرىن» وقىماعان، كينوسىن كورمەگەن بۇگىنگىنىڭ بالاسى كەمدە-كەم.
ءبىزدىڭ اكە-شەشەمىز، اتا-اجەلەرىمىز «مەنىڭ اتىم قوجاعا» قاراپ بوي تۇزەدى، ءبىز «گارري پوتتەرمەن» وستىك، ال بىزدەن كەيىنگىلەر «سپانچ بوبتى» ۇناتادى. ءبىزدىڭ اكە-شەشەمىز، اتا-اجەلەرىمىز ءازىلحان نۇرشايىقوۆتىڭ «ماحاببات قىزىق مول جىلدارىن» قولدارىنان تاستاماي وقىسا، بۇگىنگىلەر «سۋمەركيدى»، «P.S: يا ليۋبليۋ تەبيا»-نى ساباقتا ءجۇرىپ، اۆتوبۋستا وتىرىپ وقىدى. عالامتوردان تاۋىپ الىپ، كوزدەرىنىڭ مايىن تاۋىسىپ كومپيۋتەر ارقىلى وقىعانداردىڭ تالايىن كەزدەستىردىم. ءبىزدىڭ ۇستازدار «ستۋدەنت كەزىمىزدە «ماحاببات، قىزىق مول جىلداردى» گرۋپپا بولىپ تالقىلاۋشى ەدىك...» دەسە، ءبىز گرۋپپا بولىپ «سۋمەركيدى» تالقىلادىق. ارينە، كوپكە توپىراق شاشقىم كەلمەيدى. جاستار كەشەگى مۇحتاردى، ءازىلحاندى مۇلدە وقىمايدى ەمەس، وقيدى، ءتىپتى قىزىعا دا قۇنىعا وقيدى. بىراق وندايلار ساۋساقپەن سانارلىق. ۋنيۆەرسيتەتتە جۋرناليستيكا مەن فيلولوگيا ماماندىعىندا ءبىلىم الىپ جاتقان ستۋدەنتتەر عانا قازاق ادەبيەتىنىڭ كەشەگىسى مەن بۇگىنگىسىنەن حاباردار، ال باسقاسىنىڭ كۇندەلىكتى قىزىعۋشىلىقتارىن كورىپ تە، ءبىلىپ تە ءجۇرمىز. ماسەلەن، دوستارىمنىڭ ۇيىنە بارعاندا بىردەن بولمەسىندەگى كىتاپ سورەلەرىنە نازارىمنىڭ اۋاتىن ادەتى. اسىرەسە، قالادا وسكەن دوستارىمنىڭ كىتاپ سورەلەرىنەن «گارري پوتتەردىڭ» بىرنەشە تومدىقتارىنىڭ ءتىزىلىپ تۇرعانىن بايقايمىن. ودان قالسا، ءارتۇرلى پسيحولوگيالىق كىتاپتار، ماسەلەن «كاك ستات ستەرۆوي؟»-دى دا كەزدەستىردىم. ايتقىم كەلىپ وتىرعانى، اتالمىش سورەلەردەن بۇگىنگى قازاق ادەبيەتىنىڭ تالانتتى جازۋشىلارىنىڭ بىردە-ءبىر شىعارماسىن كورگەن ەمەسپىن. كورمەك تۇگىلى، بۇگىنگى قازاق پروزاسى مەن پوەزياسىنىڭ دارىندى تارلاندارىن تانىمايتىندار دا بارشىلىق. سوندا ءسىز مۇنداي قۇبىلىستى قالاي باعالار ەدىڭىز؟
ادامنىڭ دۇنيەتانىمىنىڭ، ساۋاتتىلىعىنىڭ نىعايۋى ءۇشىن ادەبي شىعارمالار مەن گازەت-جۋرنالداردىڭ اسەرى مول. ال، قالاداعى ايالدامالاردا ورنالاسقان دۇڭگىرشەكتەردەگى ترانسۇلتتىق جۋرنالداردىڭ اۋزى-مۇرنىنا سىيمايتىنىن قايتەسىز؟ مىسالى، قىز-كەلىنشەكتەر «ميني»، «OOPS»، «JOY»، «كوسمو»، «بۋردا» سەكىلدىلەرىن وقۋعا قۇمار. وندا تەك قانا ءساننىڭ سوڭعى ترەندتەرى، دەنە مەن بەت تەرىسىن كۇتۋگە ارنالعان قانداي دا ءبىر كەڭەستەر نەمەسە بيىلعى كوكتەم، يا بولماسا كۇز مەزگىلىندە «ستيلنىي» بولعىسى كەلگەندەر قانداي ءتۇس تاڭداۋى كەرەكتىگى جايىندا قاپتاعان «سىلقىم» اڭگىمەلەر ايتىلادى. «قىزدىڭ كوزى قىزىلدا» دەمەكشى، ءوزىم دە بۇل جۋرنالداردى اندا-ساندا پاراقتاپ قويامىن. ءبىر قۇربىم 10-11 سىنىپتا وقىپ جۇرگەنىندە-اق وسى جۋرنالداردى اي سايىن الىپ، ىشىندە جازىلعان ءبىر سويلەمىن، ءبىر ءسوزىن تاستاماي وقيدى ەكەن. ءسويتىپ، ۇزبەي جيناعان جۋرنالدارىنان ءبىر نارسەنى اينالدىرىپ كەلىپ شيىرلاي بەرەتىنىن بايقاعان سوڭ، بۇل جۋرنالدارعا دەگەن قىزىعۋشىلىعى جوعالىپتى. قۇربىمنىڭ قازىر كەز كەلگەن شەتەلدىك اكتەردىڭ، توپ مودەلدىڭ، ءانشىنىڭ جەكە ءومىرى مەن بىرنەشە جىلدىق شىعارماشىلىعى تۋراسىندا بىلمەيتىن سىرى جوق. كەيدە، شەتەلدىك كينونىڭ قانداي دا ءبىر اكتەرى ەسىمىزگە تۇسپەي جاتسا، سول قىزعا جۇگىرەتىن ادەتىمىز دە بار.
بايقاساڭىز، قىز بالالار اسا ەلىكتەگىش كەلەدى. كىتاپتان نەمەسە جۋرنالدان وقىعانىن، تەلەحاباردان كورگەنىن قاشان دا ءبىر تاجىريبەسىندە پايدالانىپ كورمەي قويمايدى. قىز بالا تابيعاتىنان سۇلۋلىققا، اسەمدىككە جاقىن ەمەس پە؟ قالادا وسكەن قازاق قىزدارىنىڭ الپىس ەكى تامىرى «مودا»، «ءساندى كيىم» دەپ سوقسا، وعان نە ايىپ؟ قاتەلەسپەسەم، بۇگىنگى جاس قىزداردىڭ كوگىلدىر ەكران الدىندا ءسۇيىپ تاماشالايتىن تەلەباعدارلاماسى مۋز-تۆ ارناسىنداعى «توپ مودەل پو-امەريكانسكي» شىعار. قۇربىم: «عالامتوردان بەسىنشى سەزونىن تاۋىپ الدىم. كاك راز سونى كورە الماي قالىپ ەدىم عوي، پومنيش؟ سونى كوردىم»، - دەدى. اتالمىش بەسىنشى مەزگىل ەفيرگە شىعىپ، مەنىڭ ءوزىم دە تاماشالاپ جۇرگەن كەزىم ەدى. «كىمنىڭ جەڭىسكە جەتەتىنىن ايتايىن با؟»، - دەپ قۇربىم مەنىڭ قىتىعىما ءتيدى. جەڭىسكە كىمنىڭ جەتەتىنىن بىلگىم كەلگەن مەن دە: «ايتشى تەزىرەك!»،- دەپ مازاسىزداندىم. ونىڭ: «بريتني»،- دەگەنى سول ەدى، توبەمنەن جاي تۇسكەندەي بولدى. مەن موللي - «توپ مودەل پو-امەريكانسكي» بولادى دەپ جۇرسەم، قاتەلەسىپپىن. قازىر، ويلانىپ قاراسام، بۇل شوۋ جايلى قىزدار ەستەرى كەتكەنشە اڭگىمە وربىتكەندە، قۇلاق ءتۇرىپ، اسا ارالاسا قويماۋشى ەدىم. ەفيردەن كورگەلى بەرى، ءار جەكسەنبى سايىن اسىعا كۇتەتىندى شىعاردىم. ونى قويشى، قىزدار وسى شوۋدىڭ جۇرگىزۋشىسى تايرا بەنكستى ءپىر تۇتادى، سوعان ەلىكتەيدى. قارا ءناسىلدى، سۇڭعاق بويلى اسا سۇلۋ مودەل تايرانىڭ دەنە ءبىتىمىن، شاشىن، ءجۇرىس تۇرىسىن، سويلەگەن ءسوزىن سالۋعا تىرىساتىن. ءبىزدىڭ جاس قىزدار سوعان ۇقساعىلارى كەلەدى...
ەڭ سوراقىسى، ءبىزدىڭ كينو جايىنداعى اڭگىمەمىزدە قازاقتىڭ بىردە-ءبىر كوركەم كينوسىنىڭ اتى اتالمادى. ونى وسى ماقالانى جازۋ بارىسىندا اڭعاردىم. ارينە، جاستاردى بۇل ورايدا كىنالاۋعا دا بولماس. كەز كەلگەن ادام تاڭداۋ قۇقىعىنا يە. ارقايسىمىزدىڭ ءوز تالعامىمىز بار. بۇگىنگى جاستاردىڭ تالعامى - زامان تالعامى. شىنى كەرەك، «گارري پوتتەردى» نەمەسە كەشەگى «ەرالاش» پەن «نۋ، پوگوديدى» كورىپ وسكەندەردىڭ تالعامىن سالىستىرۋ مۇمكىن ەمەس. ال «كەشەگى كلاسسيكالىق ۇلگىگە قالىپتاسقان بۋىندى كىم باستى؟» دەگەن سۇراققا ۋاقىت وتە تاريح پاراقتارى جاۋاپ بەرەتىن شىعار...
اڭگىمەمىزدى ءارى قاراي قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىنىڭ وقىتۋشىسى نازىم جۇرتبايمەن جالعاستىرۋدى ءجون كوردىك.

نازىم جۇرتباي، قازۇۋ-ءدىڭ جۋرناليستيكا فاكۋلتەتىنىڭ وقىتۋشىسى:

- بۇگىنگى تاڭدا گازەت تە، كىتاپ تا، سايت تا كوپ. ودان قالسا كينولاردىڭ سان ءتۇرى شىعىپ جاتىر. مۇنىڭ ارتى نەگە اپارىپ سوعادى؟
مەنىڭشە، زاماندى دا، كەزەڭدى دە جاسايتىن ادامزات. بۇل جەردە گازەت، كىتاپ، سايت، كينو تۋىندىلارى كىمنىڭ مۇددەسىن دارىپتەيتىنىنە، قاي حالىقتىڭ مەن­تا­ليتەتىنە ساي جازىلعانىنا بايلانىس­تى. بۇگىنگى جاھاندانۋ زامانىندا اقپارات كوزدەرىنىڭ ساپاسى ماڭىزدى ەمەس. ونىڭ سانى كوپ بولۋ كەرەك. ال ءبىز سياقتى سانى از حالىق ءۇشىن ساپاسىز اقپارات ۇلتتىق يدەلوگيانى ايتپاعاندا، ۇلتتىق سەزىمدى جوعالتۋعا دەيىن اپارارى انىق. قازىرگى كەزدە بىزدە ەكى-ءۇش كىتاپتى عانا وقىپ، سونىڭ نەگىزىندە وي قالىپتاستىرۋ كەڭىنەن تاراعان قۇبىلىس. دەمەك، سول ەكى-ءۇش كىتاپتىڭ ماڭىزى زور. جۇزدەگەن قاجەتسىز كىتاپتى وقىعانشا، ويعا وي قوسار ون شاقتى ساپالى تۋىندىنى وقىعان الدەقايدا پايدالى. مەنىڭ ءبىر جىلدىق وقىتۋشىلىق تاجىريبەمدە ءبىر قىزىق جاعداي بولدى. ساباق بارىسىندا ادەبي كىتاپتار تۋرالى اڭگىمە قوزعاپ ەدىك، شاكىرتتەر بۇل جايلى دەبات قۇرىپ كەتتى. ءوزارا پىكىر الماسىپ، ءسوز جارىستىرىپ، ءتىپتى اڭگىمەنىڭ وشاعىن قىزدىرىپ تا جىبەردى. ورىس توبىندا وقيتىن ەكىنشى كۋرس ستۋدەنتى، ۇلتى كارىس ۋگاي ينەسسا اتتى بويجەتكەن بۇرىن ءبىر قالادان ەكىنشى قالاعا كوشىپ-قونۋ بارىسىندا جول-جونەكەي پويىزدا، بولماسا اۆتوبۋستا كەلە جاتىپ قازاقتىڭ كەڭ دالاسىن «تاماشالاۋدان» شارشاپ، ءىشى پىساتىنىن ايتتى. ءسويتىپ جۇرگەنىندە مۇحتار اۋەزوۆتىڭ «اباي جولى» رومانى قولىنا ءتۇسىپتى. ينەسسا: «اباي جولىن» وقىعاننان كەيىن قازاق دالاسىنا ەسسىز عاشىق بولىپ قالدىم»، - دەيدى. دالا تابيعاتىنىڭ اسەرلى سۇلۋلىعىن اۋەزوۆ كوزىمەن قاراپ قانا تۇسىنگەنىن جەتكىزدى. قاراڭىزشى، وتكەن زاماندا جازىلعان ۇلى تۋىندى، قازىرگى زامان بالاسىنىڭ جۇرەگىندە تۋعان جەرىنە دەگەن ىستىق سەزىمىن وياتقان. وسىنداي قىزدى كەزدەستىرگەنىمە، قۋانعانىمدى كورسەڭىز عوي...
مەنىڭشە، ۇلت ساناسىن قالىپتاستىرا-تىن ەكى-ءۇش كىتاپتى رەسمي تۇردە ايقىنداپ، بەلگىلەپ، حالىققا وقىتا الساق، اينالامىز قاپتاعان گازەتتەر مەن كىتاپتاردىڭ، سايتتار مەن كينولاردىڭ ەشقانداي قاۋپى بولا قويماس
- ءبىز «تەلەۆيزيا - «سالقام»، ول ساۋىق-سايران مەن كوپتەگەن شوۋلارعا تولى» دەگەن پىكىرلەر ەستىپ ءجۇرمىز. بىراق بۇگىنگى تەلەۆيزياعا جاڭا بۋىن الدەقايدا وڭ كوزقاراس تانىتاتىنىن ەسكەرسەك، ءبىزدىڭ حالىقتى «جەڭىلگە» جاقىن دەپ ايتا الامىز با؟
قازىرگى كەزدە تەلەۆيزيادا كوپتەگەن ارنالار اشىلدى. سايكەسىنشە، ولاردىڭ باعىتى دا، ۇستانىمى دا ءارتۇرلى. ءتىپتى، قالادا تۇراتىن وتباسىلاردىڭ ۇيىنە كابەلدى ارنالار قوسىلعان. ءسويتىپ، اركىم وزىنە كەرەگىن نەمەسە ۇناعانىن تابا الادى. وسى ورايدا ءوز باسىم جەڭىل، داراقى، مازاققا تولى باعدارلامالارعا قارسىمىن. مەنىڭشە، بۇل باعدارلامالار ۇلتتىق ەرەكشەلىكتى، مەنتاليتەتتى بۇزادى. وتار ەلدەردە وتارلانۋشى حالىقتى ۇستاپ تۇرۋدىڭ ءبىر امالى ولاردى مازاق پەن كۇلكىگە اۋەستەندىرۋ دەيدى. كەيدە، سول راس-اۋ دەپ تە ويلايمىن. دەي تۇرساق تا، بۇل باعدارلامالاردىڭ عۇمىرى ۇزاققا سوزىلاتىنىنا اسا سەنىڭكىرەمەيمىن. مىسالى، جاپونداردىڭ نەگىزگى ءىلىمى سينتايزم. ءسينتايزمنىڭ فيلوسوفيالىق تۇرعىدان كەلگەندەگى كۇش-قۋاتى باسقا ىلىمدەرمەن سالىستىرعاندا الدەقايدا وسال. بىراق، جاپوندىقتار سينتايزمنەن باس تارتپادى. كەرىسىنشە، وعان قوسىمشا رەتىندە ءبۋدديزمدى قابىلدادى. قازىردىڭ وزىندە جاپوندىقتاردىڭ ومىرىندە ەكى ءىلىمنىڭ ويىپ الار ءوز ورنى بار. ءدىن مەن تەلەۆيزيانى سالىستىرۋ دورەكى كورىنسە دە، ايتىپ وتىرعان ساۋىق-سايران مەن شوۋلار دا ەرتەڭ حالىققا ازدىق ەتىپ، كورەرمەندەر ماعىناسى تەرەڭىرەك باعدارلامالارعا ويىسادى.
- ماسەلەن حالىق «جۇلدىزدار وتباسىن» جانە تاعى باسقا دا سول سياقتى باسىلىمداردى وقۋعا قۇمار. ال ءسىز­دىڭشە، حالىق جالپى قانداي گازەت-جۋر­نالداردى وقۋى كەرەك دەپ ويلايسىز؟
ءوز باسىم «جۇلدىزدار وتباسى» جۋرنالىن جاقسى باسىلىم دەپ ەسەپتەيمىن. سول رەداكتسيادان شىعاتىن «اڭىز ادام» جۋرنالىن دا وقىپ تۇرامىن. قازىرگى كەزدە حالىق ءوز مۇددەسىنەن شىعاتىن، پايدالى ءارى ماڭىزدى باسىلىمداردى وقۋ كەرەك سياقتى. شىعىس قازاقستاندا ءومىرجان جاقىپ اتامىز گازەتتەردىڭ بىرەۋىن قالدىرماي وقىپ، ۇنەمى جينايدى دا وتىرادى. ءسويتىپ، ىشىنەن گرانت، جوبالاردى ىزدەپ، اراسىندا تاپقان پايدالى گرانت­تار­عا قاتىسىپ، اۋىلىنا بالاباقشا سالدىردى، كوپىردى جونگە كەلتىردى، قۇدىق قازدىرىپ، سۋ ماسەلەسىن شەشتى. ءبىر ادام ءبىر اۋىلدىڭ جوعىن وسىلاي جوقتاپ، اتالمىش جەتىس­تىكتەرگە جەتىپ وتىر. ادام بالاسى «مەن نە بىلەمىن؟ نە ءبىلۋىم كەرەك؟ مەن بىلگەننەن ماعان، جاقىندارىما، ەلىمە قانداي پايدا بولادى؟»، - دەپ وزىنە سۇراق قويىپ، سۇرا­عىنا جاۋاپ تابا السا، قانداي باسى­لىمنىڭ قاجەت ەكەنىن ايتپاساق تا، تۇسىنىكتى.
- مىنا زاماندا ەلىكتەۋگە تۇرارلىق تا، تۇرمايتىن دا اعىمدار كوپ. ولاردىڭ بارىنە ىلەسە بەرۋ دۇرىس پا؟
ەلىكتەۋشىلىك ادام ساناسىندا ەرىكتى جانە ەرىكسىز بولادى. كەيدە ادام ءوزىنىڭ بىرەۋگە ەلىكتەپ جۇرگەنىن بايقاماي دا قالادى. جالپى ەلىكتەۋگە تۇرمايتىن اعىمداردى اتاۋ قيىن ەمەس. ال ەلىكتەۋگە تۇرارلىق اعىمداردى اتاۋ اسا قيىن. ماسەلەن، قازىرگى جاستارعا باي بولىپ كورىنۋ، سولاردىڭ ءوز سوزدەرىمەن ايتقاندا «مودا». جاستار باي بولىپ كورىنۋ ءۇشىن داۋلەتتى قۇربىلارىنا ەلىكتەيدى. ال، ول داۋلەتتى قۇربىلارى شىنىمەن دە باي ما، الدە باسقا اۋقاتتىلارعا ەلىكتەپ ءجۇر مە، ول جاعى بەلگىسىز... ءوزىنىڭ ەلىكتەۋمەن عانا جۇرگەنىن تۇسىنبەيتىندەر دە جەتكىلىكتى. ەلىكتەگىسى كەلسە، وقۋ وزاتىنا ەلىكتەسە عوي، وسى شىركىندەر...

زارينا بۇيەنباي.

http://writers.kz/journals/?ID=10&NUM=82&CURENT=&ARTICLE=2479