«ۇلى دالا» قوزعالىسىنىڭ قىزمەتى – قازاقتىڭ قامى
2011 جىلدىڭ 15 قازانى كۇنى جازۋشىلار وداعىنىڭ سالتانات زالىندا (الماتى قالاسى) «ۇلى دالا» رەسپۋبليكالىق قوعامدىق بىرلەستىگىنىڭ (رقب) قۇرىلتايى بولىپ ءوتتى. بۇل باسقوسۋدا قوعامدىق ساياسي قوزعالىستىڭ جارعىسى مەن باعدارلاماسى قابىلدانىپ، جەتەكشى ورگاندارى سايلاندى.
«ۇلى دالا» رەسپۋبليكالىق قوعامدىق بىرلەستىگىنىڭ وكىلدەرى «اتالعان ۇيىم قوعامدىق پىكىرلەردىڭ التىن وزەگى مەن پراگماتيزمنىڭ قۇندىلىقتارىنا يەك ارتا وتىرىپ، ءتۇرلى لوزۋنگتار مەن كوزقاراستاردا ءوز ۇستانىمىنا بەرىكتىك تانىتىپ، ەتنيكالىق نەمەسە باسقا دا تەگىنە قاراماستان «قازاق ءۇشىن»، «مەملەكەت ءۇشىن» دەگەن بارلىق ەل ازاماتتارىن بىرىكتىرۋى ءتيىس. تۇساۋىن ەندى كەسكەن قوزعالىس ۇلتتىق ليبەراليزمدى دامىتىپ، «وزىق كونسەرۆاتيزم» يدەولوگياسىن ناسيحاتتتايدى» دەپ بىلەدى. «ۇلى دالا» بىرلەستىگى قازاقستاننىڭ قازىرگى جەتكەن جەتىستىكتەرىن مويىنداپ جانە باتىستىڭ دەموكراتيالىق قۇندىلىقتارىن قابىلداي وتىرىپ، قازاقتىڭ ءتىلىن، سالت ءداستۇرىن، تاريحىن، ۇلتتىق قۇندىلىقتارىن ساقتاي وتىرىپ، ودان ءارى دامىتۋعا باسا ءمان بەرمەكشى.
«ءبىز، ءححى عاسىردىڭ بارلىق تالاپتارىنا جاۋاپ بەرەتىن جاڭا فورماتتاعى ۇلتتىق قوزعالىستارعا قوعامنىڭ سۋساپ وتىرعانىنا سەنىمدىمىز» دەيدى، «ۇلى دالا» قوعامدىق بىرلەستىگىنىڭ وكىلدەرى.
2011 جىلدىڭ 15 قازانى كۇنى جازۋشىلار وداعىنىڭ سالتانات زالىندا (الماتى قالاسى) «ۇلى دالا» رەسپۋبليكالىق قوعامدىق بىرلەستىگىنىڭ (رقب) قۇرىلتايى بولىپ ءوتتى. بۇل باسقوسۋدا قوعامدىق ساياسي قوزعالىستىڭ جارعىسى مەن باعدارلاماسى قابىلدانىپ، جەتەكشى ورگاندارى سايلاندى.
«ۇلى دالا» رەسپۋبليكالىق قوعامدىق بىرلەستىگىنىڭ وكىلدەرى «اتالعان ۇيىم قوعامدىق پىكىرلەردىڭ التىن وزەگى مەن پراگماتيزمنىڭ قۇندىلىقتارىنا يەك ارتا وتىرىپ، ءتۇرلى لوزۋنگتار مەن كوزقاراستاردا ءوز ۇستانىمىنا بەرىكتىك تانىتىپ، ەتنيكالىق نەمەسە باسقا دا تەگىنە قاراماستان «قازاق ءۇشىن»، «مەملەكەت ءۇشىن» دەگەن بارلىق ەل ازاماتتارىن بىرىكتىرۋى ءتيىس. تۇساۋىن ەندى كەسكەن قوزعالىس ۇلتتىق ليبەراليزمدى دامىتىپ، «وزىق كونسەرۆاتيزم» يدەولوگياسىن ناسيحاتتتايدى» دەپ بىلەدى. «ۇلى دالا» بىرلەستىگى قازاقستاننىڭ قازىرگى جەتكەن جەتىستىكتەرىن مويىنداپ جانە باتىستىڭ دەموكراتيالىق قۇندىلىقتارىن قابىلداي وتىرىپ، قازاقتىڭ ءتىلىن، سالت ءداستۇرىن، تاريحىن، ۇلتتىق قۇندىلىقتارىن ساقتاي وتىرىپ، ودان ءارى دامىتۋعا باسا ءمان بەرمەكشى.
«ءبىز، ءححى عاسىردىڭ بارلىق تالاپتارىنا جاۋاپ بەرەتىن جاڭا فورماتتاعى ۇلتتىق قوزعالىستارعا قوعامنىڭ سۋساپ وتىرعانىنا سەنىمدىمىز» دەيدى، «ۇلى دالا» قوعامدىق بىرلەستىگىنىڭ وكىلدەرى.
«ۇلى دالا» قوعامدىق بىرلەستىگى ءوزىنىڭ العاشقى قۇرىلتايىندا:
1. قۇرىلتايدىڭ جۇمىسشى ورگاندارى تۋرالى;
2. قۇرىلتايدىڭ مانداتتىق كوميسسياسىنىڭ بايانداماسى تۋرالى;
3. «ۇلى دالا» رقب-ءنىڭ جاڭا جارعىسى تۋرالى;
4. ورتالىق باقىلاۋ-رەۆيزيالىق كوميسسياسى تۋرالى;
5. «ۇلى دالا» رقب-ءنىڭ باسقارۋشى ورگاندارى تۋرالى،
6. «ۇلى دالا» رقب-ءنىڭ فيليالدارى تۋرالى;
7. «ۇلى دالا» رقب-ءنىڭ ورتالىق اپپاراتى تۋرالى;
8. «ۇلى دالا» رقب-ءنىڭ ارقالىق قالاسىنداعى وكىلدىگى تۋرالى;
9. «ۇلى دالا» رقب-ءنىڭ جەزقازعان قالاسىنداعى وكىلدىگى تۋرالى;
10. «ۇلى دالا» رقب-ءنىڭ سەمەي قالاسىنداعى وكىلدىگى تۋارلى;
11. «ۇلى دالا» رقب-ءنىڭ تۇركىستان قالاسىنداعى وكىلدىگى تۋارلى.
«ۇلى دالا» رقب-ءنىڭ ساياسي پلاتفورماسى تۋرالى قاۋلى قابىلداپ، تومەندەگىدەي ساياسي مالىمدەمە جاسادى (پلاتفورمانىڭ قىسقشا مازمۇنى.-رەد):
«ۇلى دالا» قوزعالىسى - جالپىادامزاتتىق دەموكراتيالىق، ليبەرالدىق قۇندىلىقتاردى، ادام قۇقى مەن ءسوز، ءىس-ارەكەت بوستاندىعى قاعيدالارىن باسشىلىققا الا وتىرىپ، قازاقستانداعى ساياسي-ەكونوميكالىق، الەۋمەتتىك ۇدەرىستەرگە بەلسەنە ارالاسىپ، مەملەكەتتىڭ، حالىقتىڭ تاعدىرىنا، بولاشاعىنا قاتىستى شەشىمدەرگە وڭ ىقپال ەتۋ ماقساتىندا قۇرىلدى. سەبەبى، ءبىز كەز كەلگەن ەلدەگى جاڭارۋ، جاڭعىرۋ ۇردىستەرى، وزگەرىستەر سول ەلدەگى پروگرەسسيۆتى ساياسي كۇشتەردىڭ، بەلسەندى الەۋمەتتىك توپتاردىڭ، ازاماتتاردىڭ تىكەلەي قاتىسۋىمەن عانا جۇزەگە اسۋى ءتيىس جانە سوندا عانا تابىستى بولادى دەپ سانايمىز.
«ۇلى دالا» قوزعالىسىنىڭ ساياسي ۇستانىمى - ليبەرالدىق كونسەرۆاتيزم. ءبىز حالىقتىڭ تاڭداۋ ەركى مەن سايلاۋ قۇقىنا، ازاماتتاردىڭ بوستاندىقتارىنا داڭعىل جول اشاتىن، الەمدىك تاجىريبەدەن وتكەن، وزىق ليبەرالدىق يدەيالاردىڭ جاقتاۋشىسىمىز. سونىمەن قوسا، مەملەكەت پەن شارۋاشىلىقتى باسقارۋدىڭ كەز كەلگەن قالىبى قازاق حالقىنىڭ عاسىرلار بويى قالىپتاسقان ساياسي، الەۋمەتتىك، ينتەللەكتۋالدىق ويى مەن عۇرپىنا مەيلىنشە بەيىمدەلىپ، سوعان قىزمەت ەتۋى ءتيىس دەپ ويلايمىز. ويتكەنى، ەل مەن جەردىڭ ءتولتۋما بولمىسىن ەسكەرمەي، مەملەكەت پەن ۇلتتىڭ تابيعي تۇتاستىعىن قامتاماسىز ەتپەي تۇرىپ، قازاقستانداعى جەكە ادام مەن ازاماتتىڭ قۇقىعىن قامتاماسىز ەتۋ مۇمكىن ەمەس.
«ۇلى دالا» قوزعالىسى مەملەكەتتە تۇرىپ جاتقان بارلىق ەتنوس وكىلدەرىنىڭ قۇقىقتارى مەن تىلدىك، مادەني، ءدىني قاجەتتىلىكتەرىنە قۇرمەتپەن قارايدى. سونىمەن قوسا، مەملەكەت قۇراۋشى ۇلتقا - قازاق حالقىنا قاتىستى تاريحي ادىلەتتىلىكتىڭ ورنايتىن ۋاقىتى جەتتى دەپ سانايدى. ءبىز، 1991 جىلعى 16 جەلتوقسانداعى «مەملەكەتتىك تاۋەلسىزدىك تۋرالى» كونستيتۋتسيالىق زاڭدا كورسەتىلگەندەي، قازاق ۇلتىنىڭ ءوزىن-ءوزى بيلەۋ قۇقىن راستاپ قانا قويماي، ونىڭ تولىقتاي ءىس جۇزىنە اسىرىلۋىن قالايمىز. سەبەبى، مىڭداعان جىلدار ۇلى دالانى مەكەن ەتكەن بابالارىمىزدىڭ اماناتى، قازاق حالقىنىڭ سان عاسىرلىق ازاپتى دا داڭقتى تاريحىنداعى توككەن تەرىنىڭ، قانى مەن جاسىنىڭ جالعىز وتەۋى - ۇلتتىق مەملەكەت.
«ۇلى دالا» قوزعالىسى ۇلى دالانىڭ استى-ۇستىندەگى ماتەريالدىق، رۋحاني قازىنا-بايلىق تەك حالىققا تيەسىلى بولۋى ءتيىس دەپ سانايدى.
«ۇلى دالا» قوزعالىسىنىڭ مۇشەلەرى ۇلى مۇراتقا اشىق ساياسات پەن اشىق ەكونوميكا، الەۋمەتتىك تەڭدىك پەن قوعامنىڭ تۇتاستىعى ارقىلى عانا قول جەتكىزەمىز دەپ بىلەدى. سوندىقتان، بيلىكتىڭ حالىققا، حالىقتىڭ بيلىككە دەگەن سەنىمى، ادالدىعى بولۋى ءتيىس.
«ۇلى دالا» قوزعالىسى - پارتيادان تىس، تسەنتريستىك باعىتتاعى قوعامدىق كۇش. ءبىز ساياسي راديكاليزمگە قارسىمىز ءارى قازاقستانداعى ساياسي، ەكونوميكالىق دامۋ - ەۆوليۋتسيالىق جولمەن عانا جۇزەگە اسىرىلۋى ءتيىس دەپ سانايمىز. سونىمەن قوسا، ءبىز قازاق حالقىنىڭ مۇددەسىنە قايشى ارەكەت ەتەتىن، قازاق مەملەكەتىنىڭ دەربەستىگىنە، تۇتاستىعىنا قاتەر توندىرەتىن كەز كەلگەن دەسترۋكتيۆتى توپتارعا قارسى تۇرۋدى ءوزىمىزدىڭ پارىزىمىز سانايمىز. وتاندى قۇشاعىنا العانداي بولىپ، تۇنشىقتىرۋعا تىرىساتىندارعا ەشقاشان جول بەرمەيمىز!
«ۇلى دالا» قوعامدىق بىرلەستىگىنىڭ ۇيىمداستىرۋ كوميتەتى
