جالعان اقپارات تاراتتى دەپ ايىپتالعان بەلگىلى جۋرناليست ارمان شوراەۆ قولحات ارقىلى بوساتىلدى. بۇل تۋرالى ونىڭ اپكەسى جاننار شوراەۆا ايتتى،- دەپ حابارلايدى Tengrinews.kz.

«يا، ول قولحات ارقىلى شىعارىلدى. ونى ءالى كورگەن جوقپىز. الايدا، ولار ءبارى جاقسى ەكەنىن ايتتى!» - دەدى ارمان شوراەۆتىڭ اپكەسى.

ال، ونىڭ ادۆوكاتى ءالىمجان ورالباي بۇل سوتقا دەيىنگى تەرگەۋ كەزەڭى ەكەنىن ايتادى.

«ءيا، ارمان شوراەۆ قولحات ارقىلى بوساتىلدى.تەرگەۋشى سونداي شەشىم قابىلدادى. ءبىز بۇعان قول جەتكىزدىك. قازىر ءبىز ەركىنبىز. ول ءوزىن جاقسى سەزىنەدى، ءبارى جاقسى. بۇل سوتقا دەيىنگى تەرگەۋ كەزەڭى. تەرگەۋشى بىزگە قاجەت بولعان كەزدە نەمەسە ەرتەڭىنە قوڭىراۋ شالا الادى. قازىر ۇيگە قاراي بەت الدىق »، - دەدى ارمان شوراەۆتىڭ ادۆوكاتى ءالىمجان ورالباي.

ارمان شوراەۆ 18 ساۋىردە قاراعاندىدا ۇستالدى. پوليتسيانىڭ مالىمەتىنشە، ول  «توتەنشە جاعداي كەزىندە كورىنەۋ جالعان اقپاراتتى تاراتۋ» بابى بويىنشا قىلمىستىق ءىس قوزعالدى. پوليتسيا سونىمەن قاتار شوراەۆتى «الەۋمەتتىك جەلىلەر ارقىلى جالعان اقپارات تاراتتى» دەپ ايىپتاعان.

ايتا كەتەيىك، ول قر پرەزيدەنتى جانىنداعى باق (اقپاراتتىق ساياسات) جونىندەگى قوعامدىق كەڭەستىڭ بۇرىنعى مۇشەسى. ول 2006 جىلى - "حابار" اگەنتتىگى" اق باس ديرەكتورىنىڭ ورىنباسارى، 2006-2007 جىلدارى - قر پرەزيدەنتى اكىمشىلىگى الەۋمەتتىك-ساياسي ءبولىمىنىڭ باس ينسپەكتورى، 2007-2014 جىلدارى - "كوممەرتسيالىق تەلەۆيزيالىق ارنا" اق باس ديرەكتورى بولعان.

Abai.kz