حح عاسىردىڭ ورتا شەنىندە دۇنيەگە يسرايل دەگەن مەملەكەت كەلدى. ونى ەكى مىڭ جىل بۇرىن وتانىنان قۋىلىپ شالعايدا ەرىكسىز بوسقىنعا اينالعان ءجاھۇدتىڭ ۇرپاقتارى باياندى ەتتى. ارادا سان عاسىر وتسە دە كىم ەكەنىن ۇمىتپاي، بولمىسىن ۇرپاقتان ۇرپاققا ساقتاپ كەلگەن سول جاھۇدتەردىڭ رۋحىنا تاڭ قالامىن.

بىراق يسرايل مەملەكەتى قۇرىلعان ساتتە جەر-جەردە بوسىپ جۇرگەن، ورتاق مەكەنى جوق، ءتىلىن، ءداستۇرىن، مادەنيەتىن ۇمىتقان توبىردى ۇلت رەتىندە ۇيىستىرار ورتاق قۇندىلىقتار قاجەت بولدى. بۇل ءىستى ءجاھۇد زيالىلارى تىلدەن باستادى. اتاپ ايتقاندا باياعىدا ۇمىت بولىپ ولگەن ءتول ءتىلى - يۆريتكە جان ءبىتىردى. سونداعىسى يسرايل باسشىلارى ەمىن-ەركىن بىرنەشە شەت ءتىلىن مەڭگەرسە دە ءوزارا دا، ەلىمەن دە تەك يۆريتشە سويلەستى. جاڭادان ويلاپ تابىلعان ءتىلدىڭ كەدەيلىگى، سوزدىك قوردىڭ تارلىعى، تەرميندەردىڭ قالىپتاسپاعانى ولارعا ەش بوگەت بولمادى. قايتا قينالسا دا تىرىسىپ-تىرمىسىپ يۆريتپەن قاتار ءجاھۇدتىڭ مەملەكەتىن جاڭعىرتتى. ناتيجەسى بەلگىلى - جوقتان بار جاساعان جاھۇدتەر الەمدەگى ەڭ دامىعان، وزىمەن كىمدە-كىم ساناساتىن ەل بولدى.

وسى تاجىريبەنىڭ قاسىندا قازاقتى كورگەندە قارنىڭ اشيدى. ەلى، جەرى، ءتىلى، زاڭى بار، كۇللى الەمنىڭ مويىنداۋى تاعى بار ەلدىڭ رەسميلەرى مەن زيالىلارى ءوز ەلىنىڭ ەمەس باسقانىڭ تىلىنە بۇيرەگى تارتىپ تۇراتىنى نامىسقا تيەدى. وسىلاي جالعاسا بەرسە باردى جوق قىلۋدىڭ اۋىلى دا الىس ەمەس.

راسۋل جۇمالىنىڭ الەۋمەتتىك جەلىدەگى جازباسى

Abai.kz