الەۋمەتتىك جەلىدە Bentley, Mercedes جانە Cadillac سىندى قىمبات كولىك مىنگەندەر تويعا بارۋ ءۇشىن الماتىداعى بلوكپوستتان وتكەنى بەينەلەنگەن ۆيدەو جاريالاندى. قالاعا قاتاڭ كارانتين ەنگىزىلگەنىنە بىرنەشە اپتا بولدى. قالاعا كىرىپ-شىعۋ ءۇشىن ارنايى رۇقسات كەرەك.
كەيىنىرەك بلوكپوستتان كەدەرگىسىز وتكەن ادامداردىڭ الماتى وبلىسى جول پوليتسياسى باستىعىنىڭ تۋىستارى دەگەن اقپارات پايدا بولدى. پوليتسيا مۇنداي مالىمەتتى جالعان دەپ اتادى.
21 ساۋىردە قازاقستاننىڭ ىشكى ىستەر ءمينيسترى ەرلان تۇرعۇمباەۆ جينالىستا بۇل وقيعانى سىناپ، "توتەنشە جاعداي ەرەجەسىن بۇزعانداردى قاتاڭ جازالاۋدى" تاپسىرعان.
سودان كەيىن عانا بلوكپوستتان زاڭسىز وتكەندەر ۇستالىپ، اكىمشىلىك جازاعا تارتىلدى. كورتەجدەگى تاعى ەكى ادامعا ىزدەۋ جاريالاندى، ءتورت قىمبات اۆتوكولىك ايىپپۇل تۇراعىنا قويىلدى.
Abai.kz
