4 مامىر كۇنى قازاقستان رەسپۋبليكاسى مادەنيەت جانە سپورت
مينيسترلىگىنىڭ "ONLINEda bol" جوباسى اياسىندا ءتىل ساياساتى كوميتەتىنىڭ
تاپسىرىسى بويىنشا شايسۇلتان شاياحمەتوۆ اتىنداعى «ءتىل-قازىنا» ۇلتتىق
عىلىمي-پراكتيكالىق ورتالىعى جاڭا ءالىپبي نەگىزىندەگى ۇلتتىق جازۋدىڭ
جاڭعىرۋى» تاقىرىبىنداعى ونلاين دارىستەردىڭ ءۇشىنشى كەزەڭىن باستادى.

وسىعان وراي ورفوگرافيالىق جۇمىس توبىنىڭ مۇشەسى، ا.بايتۇرسىنۇلى اتىنداعى ءتىل ءبىلىمى ينستيتۋتىنىڭ باس عىلىمي قىزمەتكەرى، فيلولوگيا عىلىمدارىنىڭ دوكتورى، پروفەسسور ب.مومىنوۆا «جازۋ مەن
اۋىزەكى ءتىلدىڭ اسەرلەسۋى: كەيبىر بەلسەندى ۇدەرىستەر» تاقىرىبىندا ءدارىس
وتكىزدى.

عالىم ءتىل مەن مادەنيەتتى ساقتاۋ، قولدا باردى جوعالتىپ الماۋ،
جوعالعاندى قالپىنا كەلتىرۋ مۇمكىندىگىنەن ايىرىلىپ قالماۋ جاعدايى
كوپتەگەن ۇلتتاردىڭ باسىنان ءوتىپ جاتقان جاعداي ەكەندىگىن، سول سەبەپتى
لاتىننەگىزدى جاڭا قازاق جازۋىنا كوشۋ كەزىندە تىلدەگى ءاربىر سوزگە جادىگەر
رەتىندە قاراۋ بەلەڭ الىپ جاتقانىن، الداعى ۋاقىتتا دا ۇلتتىق سانانى وسى
باعىتتا تاربيەلەۋ جالعاسۋ قاجەتتىلىگىن اتاپ ءوتتى. سونىمەن قاتار، ايتىلىم
مەن جازىلىمداعى ەرەكشەلىكتەرگە دە توقتالىپ، ەملە ەرەجەلەرىن تۇزۋدە دە،
سوزدىك تۇزۋدە دە، ءالىپبي تۇزۋدە دە بىرىڭعاي، ءبىر قۇرىلىمعا باعىنىپ جاساۋ
مۇمكىندىگى بولا بەرمەيتىنىن ەسكەرتتى.

«ءبىر سوزدە مورفولوگيالىق پرينتسيپ باسشىلىققا الىنسا، كەيدە
ايتىلىمعا باعىنىپ، ايتىلىمنىڭ باسىمدىق الىپ كەتەتىنى دە بايقالادى»، -
دەيدى عالىم.

ەكىنشى ءدارىستى ورفوگرافيالىق جۇمىس توبىنىڭ مۇشەسى، ا.بايتۇرسىنۇلى اتىنداعى ءتىل ءبىلىمى ينستيتۋتىنىڭ جەتەكشى عىلىمي قىزمەتكەرى، فيلولوگيا عىلىمدارىنىڭ كانديداتى ن.ءامىرجانوۆا «ءلاتىنالىپبيلى قازاق جازۋى: گرامماتولوگيالىق تالداۋ تۇرلەرى» تاقىرىبىندا وتكىزدى. ءدارىس بارىسىندا گرامماتولوگيا سالاسىنىڭ دىبىس، ءارىپ، فونەما، گرافەما ءتارىزدى شاعىن بولشەكتەرىنەن باستاپ، گرافەميكا، فونولوگيا، فونەتيكا، سەميوتيكا ءتارىزدى ءىرى كاتەگوريالارى تۋرالى كەڭ ماعلۇمات بەرىلدى، گرامماتولوگيالىق تالداۋدىڭ نە ءۇشىن قاجەتتىلىگى ءتۇسىندىرىلىپ، اۋىزشا ءتىل مەن جازبا ءتىلدىڭ اراقاتىناسى، فونولوگيا تۋرالى اقپارات ايتىلدى جانە فونەتيكالىق تالداۋ مەن فونولوگيالىق تالداۋ ناقتى مىسالدار ارقىلى كورسەتىلدى.

ءدارىستى ونلاين رەجيمىندە 66 ادام تىڭداپ، سۇراقتار قويدى. ءدارىس
سوڭىندا كوكەيدە جۇرگە ساۋالدارعا پىكىرلەر ايتىلدى. ونلاين كۋرس Facebook
الەۋمەتتىك جەلىسىندە ONLINEda bol توبى ارقىلى تىكەلەي ەفيردە كورسەتىلدى.

Abai.kz