ءبىز بالالارعا باعدار بەرۋدىڭ ورنىنا، وتچەت ءۇشىن جۇمىس ىستەپ جاتىرمىز
بالالارعا جەڭىس تۋرالى ولەڭ جاتتاتىپ نەمەسە سوعىسقا قاتىسقان اتا-باباسى تۋرالى ايتقىزىپ، ۆيدەو تۇسىرگەننەن كىمگە قانداي پايدا بار؟ “مۇنداي ۆيدەولار ارقىلى ءبىز بالالارعا تاربيە بەرىپ جاتىرمىز” دەيتىن شىعارسىزدار. بىراق قانداي تاربيە؟ 10 جىلدان كەيىن، ءتىپتى 5 جىلدان كەيىن سول جاتتاعان ولەڭنىڭ، تۇسىرگەن ۆيدەوڭىزدىڭ بالاعا مۇلدەم قاجەتى جوق ەكەنىن تۇسىنەسىز بە؟ وداندا بالالاردى نەگە عىلىمعا، ونەر تابۋعا قىزىقتىرمايمىز؟
وتكەندە زايساندا ءبىر وقۋشى ىستەمەي قالعان توڭازىتقىشتان ينكۋباتور جاساپتى. كەرەمەت ەمەس پە؟! نەگە وسىدان چەللەندج جاسامايمىز؟ ينكۋباتور جاساعان بالا: “مەن كارانتين كەزىندە مىنانداي دۇنيە ويلاپ تاپتىم. وسىنى اۋداننىڭ باسقا وقۋشىلارىنا جولدايمىن”، دەسە، ءبىز، مۇعالىمدەر، تۇككە كەرەگى جوق ۆيدەو جاساپ ۋاقىت كەتىرگەنشە، وقۋشىلارىمىزبەن جاڭاعى چەللەندجدى جالعاستىرساق، ناعىز، تاربيە جۇمىسى بولار ەدى.
ول ۆيدەولاردان ماعان كەلىپ-كەتەر پايدا دا، زيان دا جوق. بىراق تاربيە جۇمىسىمەن اراسىنداعى بايلانىستى تۇسىنە الماي وتىرمىن. جالپى، ولەڭ جاتتاتىپ نەمەسە سىنىپتىڭ وقۋشىلارىنىڭ فوتوسىنان سلايد جاساۋ، ەششە وعان ء“بىز بىرگەمىز”، “مەن ۇيدەمىن” دەگەن ۇرانداردى قوسۋ بالاعا ازىق بولا ما؟ ارينە، جوق! ۇراندارىڭدى بالا تۇسىنبەيدى دە!
ەلدىڭ بالالارى مارسقا ۇشۋدى ويلاپ جۇرسە، ءبىز ءجۇرمىز ءالى ولەڭ جاتتاتىپ، سلايد جاساپ. سوعان كەتكەن ەسىل ۋاقىت-اي.... مۇنداي “كرەاتيۆتى” يدەيا كىمدىكى ەكەن؟
“وتكەندى ۇمىتساڭ، بولاشاق ساعان تاس اتادى” دەگەن ءسوز بار ەدى عوي. بولاشاق بىزگە شىنىمەن تاس اتادى جانە بەتىمىزگە تۇكىرەدى. وعان تولىق حاقىسى بار. ويتكەنى ءبىز ولارعا باعدار بەرۋدىڭ ورنىنا، وتچەت ءۇشىن جۇمىس ىستەپ جاتىرمىز.
گۇلدەن سايرانوۆانىڭ الەۋمەتتىك جەلىدەگى جازباسى
Abai.kz
