"وسىعان دەيىن شىققان سوت ۇكىمىندەگى جازامەن جارتىلاي بىرىكتىرىپ، يساكوۆقا 18 جىل باس بوستاندىعىنان ايىرۋ تاعايىندالسىن. جازانى وتەۋ 2018 جىلدىڭ 5 ماۋسىمىنان ەسەپتەلسىن" دەدى سۋديا مارات سىدىكوۆ.

سوت يساكوۆقا 247 ملن 650 مىڭ سوت (شامامەن 3,35 ملن دوللار) ايىپپۇل سالدى.

سوت وسى ءىس بويىنشا ەكىنشى ايىپتالۋشى – پرەزيدەنت اكىمشىلىگىنىڭ ازاماتتىق دامۋ، ءدىن جانە ەتنيكالىق ساياسات ءبولىمىنىڭ جەتەكشىسى ميرا كارىباەۆاعا 247 ملن سوت (3,3 ملن دوللار) ايىپپۇل سالدى.

2019 جىلى جەلتوقساندا ساپار يساكوۆ بىشكەكتەگى جىلۋ ەلەكتر ورتالىعىنىڭ جوندەۋ ىسىندە جەمقورلىق ايىبىمەن 15 جىلعا سوتتالعان. يساكوۆتىڭ دۇنيە-مۇلكى تاركىلەنىپ، ديپلومىنان، ەكىنشى دارەجەلى "ماناس" وردەنىنەن ايىرعان. ءۇش جىل مەملەكەتتىك قىزمەت اتقارۋعا تىيىم سالدى.

ساپار يساكوۆ 2017-18 جىلدارى – المازبەك اتامباەۆتىڭ تۇسىندا – ەلدىڭ پرەمەرى بولدى. ول – اتامباەۆتىڭ جاقىن سەرىكتەستەرىنىڭ ءبىرى.

كەيىن بيلىك اۋىسقان سوڭ پرەزيدەنتتىككە سوورونباي جەەنبەكوۆ كەلىپ، اتامباەۆتىڭ بىرنەشە سەرىكتەسىنە جەمقورلىق ايىبىمەن ءىس قوزعالعان. تەرگەۋ اكتىسىنە ساي، يساكوۆ بىشكەك جىلۋ ورتالىعىن جوندەۋ كەزىندە قىتايلىق تۆەا كومپانياسىنا "كومەكتەسكەن".

Abai.kz