بيىل ماۋسىمنىڭ 21 مەن شىلدەنىڭ 5 كۇنى ارالىعىندا رەسپۋبليكاداعى ۇلتتىق بىرىڭعاي تەستىلەۋگە 130 مىڭنان استام تۇلەك قاتىسادى. سونىمەن قاتار، 2020 جىلعى ۇلتتىق بىرىڭعاي تەستىلەۋ ورتالىعىنىڭ بازاسىنا ۇلتى قازاق بىراق قازاقستان رەسپۋبليكاسىنىڭ ازاماتى بولىپ سانالمايتىن 2024 قانداس تالاپكەر تەست تاپسىرۋعا ءوتىنىش بىلدىرگەن. اتاپ ايتساق، قىرعىزستان 3, وزبەكستان 724, قىتاي 577, رەسەي 83, موڭعوليا 555, تۇركىمەنستان 26, گەرمانيا 1, اۋعانستان 4, تۇركيا 2, تاجىكستان 4, اقش 2, اۆستريا 4, يران 3, مەكەنى كورسەتىلمەگەندەر 36.

قانداستاردى قولداۋعا ارنالعان «وتانداستار قورىنىڭ» مالىمەتى بويىنشا، 2018-2019 وقۋ جىلىندا ۇلتتىق بىرىڭعاي تەستىلەۋگە دايارلايتىن دايىندىق ءبولىمىن 992 قانداس تالاپكەر اياقتاعان. 2019-2020 وقۋ جىلىندا دايىندىق بولىمىنە 1300 تالاپكەر وقۋعا قابىلدانعان. 2020-2021 وقۋ جىلىنا بەلگىلەنگەن تارتىپكە ساي ەلىمىزدىڭ 24 جوعارعى وقۋ ورنى 1300 تالاپكەردى دايىندىق بولىمىنە قابىلدايدى دەپ جوسپارلانۋدا.

قازاقستان رەسپۋبليكاسى ءبىلىم جانە عىلىم مينيستىرلىگى تاراپىنان قانداس تالاپكەرلەر ءۇشىن 4 پايىزدىق كۆوتا قاراستىرىلعان. سەبەبى، جىل وتكەن سايىن اتاجۇرتتا ءبىلىم الىپ، جوعارعى وقۋ ورداسىن ءبىتىرىپ، بىلىكتى مامان اتانۋعا تالپىنعان جاستاردىڭ سانى ارتىپ كەلەدى.

Abai.kz